DIRIDRE BÄRI KWIN | KUKWE DRIE YE KÄI TÄDRE BÄRI JUTO NIBÄTÄ
Ja mräkätre ni dimikadre ye nikwe kadre ngäbiti
Jehovata ni dimike ja mräkätre jökrä yebiti (1Pe 5:9). Nita kukwe driere ngwane kukwe ben nita ja tuen, yebätä niaratre tä ni dimike. Ja mräkätre kwati käkwe Pablo dimikani krubäte. Ñodre, Áquila, Priscila, Silas aune Timoteo (Hch 18:1-5).
¿Ja mräkätre mada raba mä dimike ño? Ni iti kukwe niedre mä kukwei ötakäre, mäkwe ni tuadrebitita ño, mäkwe ja tötika driedre ño o nitre tötikadre ño Bibliabätä, yebätä kukwe niei kwe mä dimikakäre. Ja mräkä iti konkrekasionte raba mä dimike kukwe driere kwin yebätä töbike aune mä dimikadre kwe ye mäkwe ribe ie. Mun nibu kräke kukwe kwin rabai bare aune munkwe ja dimikai kwärikwäri (Flp 1:25).
VIDEO NITRE MADA MIKE JA TÖTIKAKA YE KÄI JUTO NIBÄTÄ. DRE BIANTA JEHOVAKWE NIE NI DIMIKAKÄRE YE KADRE NGÄBITI: JA MRÄKÄTRE KONKREKASIONTE YE MÄKWE TUA, BITI KUKWE NGWANTARITA NE MÄKWE MIKA GARE:
¿Coral töi rabadre rikabätä gätäbätä yekäre Ritakwe dre nunie?
¿Ñobätä nikwe ja mräkätre mada nübaidre jabe nitre mada tötike?
Ja mräkätre jökrä konkrekasionte ribeta ni iti dimikakäre nemen ja tötikaka
¿Kukwe meden ja erebe nämäne tuin kwin Coral ie aune meri testiko umbre ie?
¿Ja mräkätre tä kukwe driere ño bäri kwin ye medenbätä mä raba ja kite?