DIRIDRE BÄRI KWIN | KUKWE DRIE YE KÄI TÄDRE BÄRI JUTO NIBÄTÄ
Ni rabadre nitre ja tötikaka ye dimike ja tötike kwin kukwe ja üairebätä
Nitre ja tötikaka ie Jehová rabadre gare aune rabadre ünä kukwe ja üairebiti yekäre, kukwe nuäre drieta Bibliakwe ye ñan aibe mikadre gare kwetre jai (Mt 5:3, TNM; Heb 5:12–6:2). Mrödre ño kukwe ja üairebiti ye rabadre gare ietre.
Jatadre ja tötike kenanbe ngwane, ja ükadrete ja tötika kräke ye mäkwe drie ietre aune mäkwe töi mika ye nuainne (mwb18.03 6). Tä ja tötike kaibe ngwane ye känenkri oradre kwe ye ñobätä ütiäte, ye mäkwe mika gare ie. Jondron tä internete yebiti ja tötikadre ño ye mäkwe drie ietre aune kukwe mrä mikata gare jw.org aune JW Broadcasting® ye tädre käre mika gare jai ye mäkwe mika gare ietre. Mäkwe dimika ñäke Bibliabätä köbö kwatire kwatire, ja ükete gätä kräke aune tö kukwe meden mikai gare jai ye rabadre känene akwle, ye mäkwe drie ietre bätärekä bätärekä. Mäkwe dimika kukwe meden nemen gare ietre yebätä töbiketari.
VIDEO NIKWE NITRE JA TÖTIKAKA YE DIMIKADRE JA TÖTIKE KWIN KUKWE JA ÜAIREBÄTÄ YE MÄKWE TUA, BITI KUKWE NGWANTARITA NE MÄKWE MIKA GARE:
Ja tötikata ye abokän ñaka jerekäbe kukwe ngwantarita ye mikakäre gare jai, ¿ye Rita käkwe mikani nüke gare ño Coral ie?
Nita nemen kämekäme jabe ye Jehovata ñäkäire kukwe metrebätä, ¿ye dre käkwe Coral dimikani mike nüke gare jai?
Nitre ja tötikaka tä ja tötike ye rükadre gare ietre aune mikadre täte kwetre ye mäkwe drie ietre.
¿Töbikadretari ye dre gäräta ye nükani gare ño Coral ie?