DIRIDRE BÄRI KWIN | KUKWE DRIE YE KÄI TÄDRE BÄRI JUTO NIBÄTÄ
Mäkwe ni ja tötikaka dimika nemen ja ketamuko Jehovakwe
Jehová tare nikwe ye käkwe ni töi mikadre niara mike täte ie niara tö (Mt 22:37, 38). Ngöbö tareta ye käkwe ja di biain nitre ja tötikaka ie ja töi kwitakäre, ja tuakäre kukwe tare ben aune töi mikai ja ngökö ñöte (1Jn 5:3).
Jehovata nitre ja tötikaka tarere ye mäkwe dimika mike nüke gare ietre. Mä raba kukwe ne kwrere ngwentari ietre: “¿Kukwe ne tä dre driere Ngöböbätä mäi?” “¿Jehovata mä tarere ye bämikata ño kwe mäi kukwe nebiti?”. Jehovata nitre ja tötikaka dimike ye mäkwe ja di ngwan mikakäre gare ietre (2Cr 16:9). Kukwe meden känti mäkwe dre käräbare orasionte Jehovai ye erere nuainbarera kwe mä kräke, ye mäkwe tan ni ja tötikaka mäkwe ie aune ni ja tötikaka käkwe dre käräbarera orasionte Jehovai ye erere Jehovakwe nuainbare kräke yebätä töbikadre kwe mäkwe nie ie. ¡Ni ja tötikaka mäkwe aune Jehová niena ja kete kwin jabe ye jetai mäi ngwane, kä rabai juto krubäte mäbätä!
VIDEO NIKWE NITRE JA TÖTIKAKA YE DIMIKADRE JA KETE KWIN JEHOVABE YE MÄKWE TUA, BITI KUKWE NGWANTARITA NE MÄKWE MIKA GARE:
¿Kukwe meden namani Coral ketebätä?
¿Rita käkwe dre nuainbare dimikakäre?
¿Coral dre nuainbare ja tuakäre kukwe yebe?