NITA JA NGWEN ÑO
Monsotre bati munkwe blita kwin mun rün aune mun meye ben
¿Mä töita ño ye ñobätä mä rabadre niere mä rün aune mä meye ie? (Pr 23:26). Ñobätä ñan aune niaratre käkwe mä ngübadre aune mä jie ngwandre kwe ye Jehovata nuainmana ietre (Sl 127:3, 4). Dre tä mä mike töbike aune dre ütiäte mä kräke ye mäkwe ñaka niedi ietre ngwane, ñan rabai nuäre niaratre kräke mä dimikakäre. Aune ye ñan aibe ñakare aune dre dre garera ietre ye ñan rabai gare mäi. Akwa, ¿mä rabadre kukwe mike gare jökrä mä rün aune mä meye ie? Ñaka käre, akwa kukwe meden mikadre gare ietre aune mata üke mä rün aune mä meyebätä ngwane mä rabadre mike gare ietre ye bäri kwin (Pr 3:32).
¿Mä raba blite ño mä rün aune mä meye ben? Ñongwane mun jökrä raba blite kwin jabe ye mäkwe känä. Ja ruin ño mäi ye mä raba tike täräbätä niaratre iti ie arato. Akwa niaratre tö blitai kukwe keteitibätä aune mä ñan tö blitai kukwe yebätä ngwane, ¿dre raba mä dimike? Niaratre tö mä dimikai ye mäkwe ngwan törö jai. Niaratre tä makri aune ñan mä rüe. Kukwe jökräbätä mätä blite mä rün aune mä meye ben ye käkwe käre mä dimikai: gwä ngwane aune kärekäre (Pr 4:10-12).
VIDEO MATA BATI NGWANE: MÄ RABA BLITE ÑO MÄ RÜN AUNE MÄ MEYE BEN YE MÄKWE TUA, BITI KUKWE NGWANTARITA NE MÄKWE MIKA GARE:
¿Esther aune Partik tä dre mike gare?
¿Dre raba nemen gare mäi Jesubätä?
¿Mä rün aune mä meye tä mä tarere ye bämikanina ño kwetre mäi?
Mäkwe nünandre kwin ye ie mä rün aune mä meye tö
¿Kukwe ja jie ngwankäre Bibliabätä meden raba mä dimike blite mä rün aune mä meye ben?