NITA JA NGWEN ÑO
Mä räkändre bren tare ye kräke mä tädre juto
¿Ñobätä ni tädre juto biare? Ñobätä ñan aune ni raba nemen bren jötrö ngwarbe aune ni jänrika raba hospitalde. Ni kräkäi mikadre kwin ye ie ni tö ngwane, kukwe tare ye jämi nakainkä ye känenkri nikwe kukwe meden tärä ni dimikakäre ye mikadre gare jai. Yebiti nikwe ja nire nikwe aune kukwe ükaninte Ngöbökwe däri yebätä ye nita mike ütiäte jai ye nikwe bämikai (Hch 15:28, 29).
¿Ja mika raba ño juto?
Nikwe töbikadretari aune oradre ye bitikäre nikwe tarjeta de instrucciones médicas (DPA) ye ükadrete jai.a Nitre kukwe driekä ja ngökanina ñöte ye raba tärä ye kärere siervo de publicaciones ie aune nitre rüne raba Tarjeta de identidad (ic) ye kärere monsotre jämi ünä kwetre kräke.
Meritre testiko tä murore ngwane raba tärä Información para mujeres embarazadas (S-401) ye kärere nitre umbre ji ngwanka ie. Ye käkwe dimikai kukwe kwin den nuaindre jai nane kukwe tare rabadre barebätä tä murore ye ngwane o tädre ja ngübare ye ngwane.
Nane mä kräkäi mika tö rabadre däribiti o mä mikadrete camanbiti hospitalte ngwane, mäkwe mika gare känenkri nitre umbre ji ngwanka ie. Aune ni testiko iti raba niken mä känti ie mä tö ye mäkwe mika gare känenkri hospitalte.
¿Nitre umbre ji ngwanka raba ni dimike ño? Niaratre raba ni dimike täräkwata DPA ye ükete jai akwa niaratre töita ño ni kräkäi mikadre ño yebätä ye niaratre ñaka niedi aune kräkä meden bäri kwin abokän ni itire itire käkwe diandre jai yebätä niaratre töita ño ye ñan niedi kwe nie (Ro 14:12; Gál 6:5). Mä tädre bren aune mä kräkäi mika raba akwa däri yebiti ye mäkwe mikai gare nitre umbre ji ngwanka ie ngwane, ben gwairebe niaratre käkwe blitai mä kräke nitre Comité de Enlace con los Hospitales (CEH) ye ben.
¿Ja mräkätre sribikä CEH yete ye raba ni dimike ño? Ja mräkätre sribikä comité nebätä ye ie kukwe mikata gare ne kwe ñobätä ni ñan däri kain ngäbiti ye niaratre raba mike gare doctortre ie. Ni kräkäi mikadre ño akwa ñaka däri yebiti ye niaratre raba mike gare doctor ie aune doctor mada raba ni kräkäi mike akwa ñaka däri yebiti ye niaratre raba känene.
VIDEO ¿ÑO KUKWE KWIN DIAN RABA NUAINDRE JAI DÄRIBÄTÄ? YE MÄKWE TUA, BITI KUKWE NGWANTARITA NE MÄKWE MIKA GARE:
Mä räkändre bren aune däri mika tö rabadre mä kwatate ngwane, ¿dre dre raba mä dimike ja mikakäre juto kukwe ye kräke?
a Tärä Mä raba nüne kä jutobiti kukwe ja tötikara 39 ye raba mä dimike kukwe kwin den jai däri yebätä.