NITA JA NGWEN ÑO
Jehovata mä mike tuin ño jai erere mäkwe töbika jabätä
“Jehovabätä juta kwe käi juto” (Sl 149:4). Ni ngite yebiti ta ni töi kwin aune dre raba nemen bare nie ye raba jutuen Jehovai. Akwa ñaka raba nemen nuäre ni kräke ruäre ngwane töbikakäre kwin jabätä, Jehovata nuainne erere. Nitre tä mä mike tuin ño jai aune mä ja mikani ngite kira ye tä mä di gainkä aune Jehovakwe ñaka mä taredre ye mäta nemen nütüre ngwane, ¿dre raba mä dimike?
Nitre kä tibienbätä ie kukwe tuin ño ye erere ñaka tuin Jehovai ye mäkwe ngwan törö jai (1Sa 16:7). Ye abokän, Jehovata ni mike ñärärä ngwane kukwe ñan jutuen nie jabätä ye jutuen ie. Jehovata dre mike ñärärä mäbätä ye raba nemen gare mäi Biblia ye köböire. Kukwe ruäre namani bare kira aune bersikulo ruärebätä mätä ñäke aune mätä töbiketari ngwane, Jehovata nitre niara mikaka täte ye tarere krubäte ye rabadi gare mai.
VIDEO JA BRÜKWA MIKE JEHOVÁ MIKE ERA JAI YE MÄKWE TUA, BITI KUKWE NGWANTARITA NE MÄKWE MIKA GARE:
Kukwe bämikata monso niaka aune rün kwebätä, ¿ye tä dre driere nie Jehová tä ni mike tuin ño jai yebätä?
Ni iti käkwe ja mikani ngite akwa ja töi kwitanina kwe ngwane, ¿raba dre nuainne ne kwe ja rabadre ruin kwin ie Jehová okwäkänti? (1Jn 3:19, 20).
Kukwe namani bare David aune Jehosafatbätä yebätä ja mräkä iti käkwe ñäkäbare aune töbikataribare, ¿ye käkwe dimikani ño?