Kukwe ne ererebätä mä raba ja tötike
¿Texto ruärebätä kukwe mikata gare tä Tärä ni testiko Jehovakwe jie ngwankäre ja tötike yebätä mä tärä ja tötike?
Kukwe mikata gare yete ye käkwe mä dimikai kukwe bäri nguseta Ngöbö kukweibätä ye mike gare jai. Kukwe namani bare kirabe ye mikata gare bersikulo keteitibätä ye raba kwen nie, ñobätä tikani, kukwe ruäre tä tikani mikata gare ye nire kräke.
Mätä Watchtower TÄRÄ JÖKRÄ INTERNETE™ o JW Library®, yete ngwane, bersikulo keteiti Bibliabätä ye raba niken mä ngwena referencia tä Tärä ni jie ngwankäre ja tötike yekänti. Referencia ye raba kwen mäi Biblia medenbätä mäta ja tötike ye ererebiti, sección de estudio nieta yekänti.
Referencia nebiti mätä ja tötike ngwane, tä ükaninte ño jatäri ye mäkwe mika ñärärä. Artículo bäri bitin ye tä mikani käne. Mäkwe mikai ñärärä bäri timonkwäre ngwane, artículo bäri kira ye kwain mäi. Kukwe ruäre mikani ye tuate jämi ye mäkwe ngwan törö jai.
Watchtower TÄRÄ JÖKRÄ INTERNETE, referencia Tärä ni jie ngwankäre ja tötike ye tä mata nüke ja töbiti.
Referencia ne tuakäre JW Library yete, mäkwe Tärä ni jie ngwankäre ja tötike aune actualización mrä mrä ye descargadre jai. Yekäre kapitulo keteiti Bibliabätä yekänti kwinni botón sección de estudio nieta yekänti mäkwe kise nita.