Kukwe ne ererebätä mä raba ja tötike

¿Kukwe mikata täte yebätä kukwe mrä mikata gare ye mikadre gare ño jai?

Kukwe keta kabre kite nemen bare näire nünanta, aune Jehovata kukwe mike gare bäri mrebe nie kirabe kräke ye käi juto nibätä (Dan. 12:4). Akwa, ñan raba nemen nuäre ni kräke kukwe mrä mrä gakäre. ¿Kukwe mrä mrä Bibliabätä mikata gare raba kwen medente nie?

• “Aclaración de creencias” tä Índice de las publicaciones Watch Tower yete kukwe mikata gare mrä mrä ye ta jökrä, aune tä ükaninte jatäri, kä kwatire kwatire ye ererebätä. Kukwe mikata gare jene jene ye mä tö mikai gare jai ngwane, “aclaración de creencias” mäkwe tika (aune comilla mika) kukwe känänkäre nieta Watchtower Library o BIBLIOTECA EN LÍNEA Watchtower^™ yete.

• Tärä ni testiko Jehovakwe jie ngwankäre ja tötike, yete kukwe mikata gare kukwe braibebiti aune tä ükaninte drebätä blitata ye ererebätä. känänkäre, mä rika “Nitre testiko Jehovakwe”, biti “Nitre töita ño aune kukwe mikata täte kwetre” aune “Kukwe mikata täte nikwe mikata gare bäri kwin” yekänti.

Mäta ja tötike kaibe ye ngwane kukwe mikata täte bätä kukwe mikata gare mrä bäri kwin, yebätä mä raba ja kite. Kukwe ye nüke gare ño nengwane aune ñobätä nüke gare kore ye mäkwe mika gare jai.