¿Ja tötika Bibliabätä drieta ni testiko Jehovakwe ye abokän ño?
Kukwe kwinbiti ni testiko Jehovakwe tä ni mada dimike dre nieta Bibliakwe ye mikakäre gare jai. Ja tötika Bibliabätä nunkwe ye raba mä dimike kukwe jatäri ne känti:
Nüne kä jutobiti.
Ja kete Ngöböbe.
Biblia tä kukwe käbä mike ja käne ye mike gare jai.
Página nekänti kukwe ngwantarita ne mikai gare:
Ti ja tötika kadre ngäbiti ngwane, ¿ti ja mikadrebe testiko Jehovakwe?
Mekera ti ja tötikabare Bibliabätä ni Testiko Jehovakwe ben ngwane ¿ti raba ja tötiketa?
Ti ñan tö ja tötikai ni iti ben ngwane, ¿kukwe mada tärä ja tötikakäre?
¿Ja tötika Bibliabätä nunkwe ye ño?
Ni iti mä tötikai kukwe ketare ketare Bibliakwe yebätä. Tärä Mä raba nüne kä jutobiti, ja tötikakäre Bibliabätä ye käkwe mä dimikai kia kia dre drieta Bibliakwe aune raba mä dimike ño ye mike gare jai. Mä tö kukwe mikai gare bäri jai ngwane mä raba video ne tuin.
¿Ti rabadre ütiä bien?
Ñakare. Jesukwe kukwe nuain mananbare nitre ja tötikaka kwe ie ye nun testiko Jehovakwe tä nuainne: “Bini ngwarbe munye, aisete munkwe sribi ne nuen angwane, munkwe ñan ütiä kärä arato” (Mateo 10:8). Arato, tärä Mä raba nüne kä jutobiti bätä Biblia biain mäi ja tötikakäre ye mä ñan ütiä biain.
¿Ja tötika ye tä nuin nuäi?
Ja tötika ngöi yebätä kukwe ja tötikara tä 60. Mä tö ja tötikai ño erere mä raba nuainne. Nitre ruäre tä ja tötike kukwe ja tötikara keteiti yebätä bämän kratire kratire mada abokän tä ja tötike bäri erebätä.
¿Medente ti raba kömike?
1. formulario tä internet yete mäkwe kukwe tika. Mäkwe kukwe jakwe tikai yete, ye ni testiko Jehovakwe rikadre mä känti ye aibe kräke ñan diain kukwe mada kräke.
2. Ni käkwe mä tötikai ye käkwe blitai mäbe. Ja tötika Bibliabätä ye köböire dre raba nemen mäkwe ye mikai gare kwe mäi aune kukwe ño ngwantarita mäkwe ye mikai gare kwe mäi.
3. Mä aune dirikä mäi ye käkwe köbö diainkä jai. Ja tötika ye nuain raba ngwärere, telefono, videollamada, correo o correo electrónico yebiti. Bäsi käre ja tötika ye tä nuin ora krati, raba nuin bäri brai o bäri raire akwa ye tä gare mäi.
¿Ja tötika ye ño ye ti raba mike gare chi jai?
Jän. Yekäre formulario tä internet yete mä raba kukwe tike. Ni mä tötikaka ye käkwe blita mäbe ngwane mä tö ja tötikai batibe ben rabai tuin kwin mäi o ñakare ye mikakäre gare jai mä nie ie. Aune folleto Mä raba nüne kä jutobiti, bätä kukwe ja tötikara keta mä aibe tä yebiti mä tötikai kwe.
Ti ja tötika kadre ngäbiti ngwane, ¿ti ja mikadrebe testiko Jehovakwe?
Ñakare. Ni mada tötikadre Bibliabätä ye käi juto ni testiko Jehovakwebätä akwa ñaka ni mada töi mike ja dibiti ja mike testiko. Dre nieta Bibliakwe ye niaratre tä driere töi bökänbiti akwa ni itire itire tä dre den mikadre täte jai ye tätre mike ütiäte jai (1 Pedro 3:15).
¿Ti raba ja tötike Biblia jeñe tikwe yebiti?
Jän. Biblia ñobiti mä tö ja tötikai ye ererebiti mä raba ja tötike. Ni testiko Jehovakwe tä Traducción del Nuevo Mundo yebiti ja tötike, ñobätä ñan aune Biblia ye kwitani metre aune nuäre nüke gare, akwa nitre töta nemen ja tötikai Biblia jeñe kwe yebiti ye gare.
¿Tita ja tötike ngwane ni mada raba nemen siba yete?
Jän. Mä raba mä mräkätre jökrä o ja ketamuko mäkwe ye nübaire.
Mekera ti ja tötikabare Bibliabätä ni Testiko Jehovakwe ben ngwane ¿ti raba ja tötiketa?
Jän. Raba nemen tuin bäri kwin mäi käne ye kräke. Nitre tä kukwe ribere bäri ne ngwane jai ye ererebätä ja tötika ye nuainta. Ne ngwane kädrie raba bäri kwin jabe aune video tä mikanibätä ñan ja tötika Bibliabätä käne erere.
Ti ñan tö ja tötikai ni iti ben ngwane, ¿kukwe mada tärä ja tötikakäre?
Jän. Nitre kräke nemen nuäre ja tötikakäre ni iti ben akwa nitre mada abokän töta nemen käne ja tötikai kaibe. Sección “Jondron keta kabre ja tötikakäre Bibliabätä” yete kukwe keta kabre tä ja tötikakäre aune ütiä kärä ñaka. Ruäre abokän ne:
Kukwe ngwantarita Biblia yebätä. Yete kukwe keta kabre Bibliabätä ngwantarita ye mikata gare.