Ñäkädre kwin täräbätä

1 Timoteo 4:13

KUKWE MIKATA GARE: Kukwe tä tikani ye ererebätä ñäkädre ja kukwei kribiti.

NUAINDRE ÑO:

• Mäkwe ja tötika kwin. Ñobätä texto ye tikani ye mäkwe mika gare kwin jai. Tärä okwä tä tikani jatäri ye ererebätä mäkwe ñäkä. Ñaka kukwe mada mikadre aune ñaka kwitadre jene o ñaka diandrekä. Ne madakäre, punto, coma, signo de interrogación aune signo mada mada ye mikadre ütiäte jai.

• Tärä okwä tä tikani ye ererebätä mäkwe ñäkä kwin. Ñäkädre ño tärä okwä ruärebätä ye ñaka rabadre gare mäi ngwane, tärä aune täräkwata medenbätä mätä ñäke ye tä grababare ngwane mä raba kukwe nuin o nitre ie ñäkä gare kwin täräbätä yei mäkwe ja di ribe.

• Mäkwe ñäkä mrebe. Tärä okwä jökrä ngö rabadre kwin, mäkwe dokwä kaka kwin aune mäkwe kada ngianka kwin. Mäkwe ja di ngwan kukwe jökrä kädekete kwin.