Eby’Abahamirizi ba Yehova Bagereremo

Oyerekane Akababaro oku Bantu Boshi

Lusiku luguma, mwali-werhu w’omu chihugo che Nouvelle-Zélande aliri alola evideo “Muhangaikiane,” (Mulaganeko) ederhere gurhe Yehova arhayunva agwerhe akababaro konyine s’aliko kandi anakayerekana. (Isa. 63:7-9) Ayiga okuntu akakolesa eyola ngeso omu kurhabala muntu mulebe. Egolo mw’olola lusiku amango aliri agula ebintu omu butike nzibu nzibu, abuganana na mukazi muguma orhagwerhe ah’okulama ava amubaza akaba amugulire ebilyo alya. Oyola mukazi ayemera. Mwali-werhu abere agaluka n’ebilyo, akolesa akola kasanzi omukuhaana obuhamirizi bugeke omu kukolesa etrakte Hali Olusiku Amalibuko Nji Mahwa si?

Oyola mukazi ava ahwanza kulira bwenene. Afasiriya oku, akuliraga omu dini ly’Abahamirizi aliko hamagera myaka minene alekere okuli. Chiro akaba ntyo, hanola hofi hofi aliri asalira Yehova amurhabale ashube amugalukire. Mwali-werhu aha oyola mukazi Ebiblia n’okurhola emipango y’okuhwanza kuyiga Ebiblia haguma naye.a

Kuguma na Yehova, rhwakayerekana akababaro oku bantu, kuhebamo n’abantu b’omu milala yerhu na bene-berhu na bali-berhu b’omu chibaga. Kandi rhwakayerekana akababaro omu kukolesa buli kasanzi rhwabwene omu kubwira abandi oku bilolere Yehova.