AKALAMO K’OMUKRISTU
Yehova Anarhurhabala Amango Rhuli omu Bibazo
Mu zinola siku z’obuzinda, rhuli rhwahurana ebibazo bikomere. Mango maguma rhwakachiyunva nka bikomere bwenene omu kuntu rhurhagala kubilembera. Aliko, amango rhwamagenderera kuyegera Yehova, rhwagala kulembera chiro n’ebibazo byakarhuvuna omurhima bwenene. (Isa 43:2, 4) Nka gurhe rhwakayegera Yehova amango rhuli rhwahurana ebibazo?
Esala. Amango rhwamabwira Yehova byoshi birhuli oku murhima, anarhuhereza omurhula n’emisi y’okulembera.—Flp 4:6, 7; 1Te 5:17.
Embuganano. Zene yi rhukenere ebilyo by’ekiroho n’okuba haguma n’abakozi ba Yehova oku mbuganano kulusha mira. (Ebr 10:24, 25) Amango rhwamachirheganya, rhukahika, n’okuhaana ebishubizo oku mbuganano z’echibaga, rhunayunguka n’oburhabale bw’eroho lichesibwa lya Yehova.—Ufu 2:29.
Akasi k’Okuhubiri. Rhwabona oku biyorohere okuseza obwenge oku bintu bihebere omurhima amango rhwamachihangana kujira buli chintu rhwakagala yi rhugenderera kukola akasi k’okuhubiri. Kandi rhwakomeza obwira bwerhu haguma na Yehova n’abandi bakozi.—1Ko 3:5-10.
MULOLE EVIDEO YEHOVA AKUHA KARIBU, MUJE MWASHUBIZA KW’EBILA BIBAZO:
Bichi byarhabalaga Malu agenderere kubera hofi na Yehova amango aliri ahurana ebibazo?
Kuguma na Malu, nka gurhe ebinwa bili omu Zaburi 34:18 byakarhuheba omurhima amango rhuli omu bibazo?
Nka gurhe omufano gwa Malu gurhuyerekere oku Yehova anarhuha “emisi erhalukire ey’olugero” amango rhuli omu bibazo?—2Ko 4:7