Okurhachijirisa Okuntu Omuntu Arhaba

Akanuni: “Echinwa chiderherwe oku kasanzi kenja—chiba chinja bwenene!”—Mez. 15:23.

Bichi Filipo Alijirire

Omuyeza-enyinjili Filipo y’aganira n’omulume w’Omuetiyopiya oli wasoma echitabu ch’omuzingo ey’ayikere omu chitugari.

EVIDEO: Filipo Ali Ahubiri Omurhwali w’oku Bwami bwe Etiyopiya

1. Olole EVIDEO, changwa osome Matendo 8:30, 31. Oje wawaza oku bibazo bikulikireho:

Gurhe Filipo arhonderesaga enganiro?
Bulagurhe eyola yeyaliri njira nyinja y’okurhonderesa enganiro buzira kuchijirisa, yanarhuma oyola mulume amenya echintu chihyahya oku bilolere obukweri?

Ogula Mufano gwa Filipo Gurhuyigirize?

2. Nka rhugendereze enganiro buzira kuchijirisa, byakashobokana ok’omunviriza werhu achiyunva huru n’okuba tayari kuyunviriza oburhumwa bwerhu.

Oyiganye Filipo

3. Obe muntu onalolereza. Okuntu omuntu achifarhire, okuntu y’alola, amajeste y’ajira byakakubwira binene oku bimulolere. Oyola muntu, abonekene okw’alonzeze kuganira nawe si? Wakarhonderesa emyazi oku bilolere obukweri bwe Biblia omu kufa chakubaza omuntu echibazo nka, “Walimenyere oku. . . ?” Orhalonzaga kugendereza enganiro oku chingufu haguma n’omuntu orhalonzeze kuderha.

4. Obe muntu onalindira. Orhachiyunvaga nka bikuhemere oganire oku bukweri bwe Biblia aho han’aho. Olindire akasanzi kenja naho wagala kuhaana obuhamirizi buzira kuchijirisa. Hali amango byakahema okulindira eyindi turu mwaganira n’oyola muntu.

5. Obe muntu wakahindamuka juba-juba. Hali okuntu enganiro yakahindamuka nk’ok’orhaliwazize. Bobo, obe tayari kubwira omuntu echintu chakamusimisa chiro akaba arhali chi walirheganyize.

LOLA KANDI

Muh. 3:1, 7; 1 Ko. 9:22; 2 Ko. 2:17; Kol. 4:6