SOMO LYA 02
Ebiblia Ehaanire Obunihire
Abantu omu gulu lyoshi yibalwisa ebibazo bili byarhuma bayunva omugayo, omulago, chiro ahubwe n’amalumwa. Hali ebyachigerere kukuhikira nawe byarhuma wachiyunva ntyo si? Nkabaga oli wayunva obabere bulala olwere changwa bulala wafisize omuzigirwa. Wakaba ey’oli wachibaza, ‘Hali amango akalamo nji kanachikwira si?’ Ebiblia ehaanire echishubizo chihebere omurhima kw’echola chibazo.
1. Bunihire buhe Ebiblia erhuhere?
Ebiblia erharhubwirire bulagurhe egulu liyunjwire mw’ebibazo konyine, s’aliko erhuhere n’emyazi minja eyerekene kw’ebibazo birhali bya kugenderera, byahwa hano hofi-hofi. Ebilagane bye Biblia ‘byakakuha obunihire bw’amango mayinjire n’obulangalire.’ (Osome Yeremia 29:11, 12.) Ebila bilagane byarhurhabala rhulwise ebibazo bya zene, rhugenderere kugwarha amawazo menja, n’okugwarha obusime bw’esiku n’amango.
2. Ebiblia elaganyize ku gurhe amango mayinjire nji maba?
Ebiblia ederhere ok’omu mango mayinjire “olufu lurhakachibaho, emishibo, endulu changwa amalumwa marhakachibaho chiro n’akatyu.” (Osome Ufunuo 21:4.) Ebibazo binarhuma abantu baheza obunihire zene; nk’obukene, omulyagane (obulyalya), obulwala, n’olufu birhakachibaho. Ebiblia elaganyize okw’abantu nji basiimira akalamo esiku n’amango omu paradizo oku gulu.
3. Gurhe wakakomeza obwemere omu bilagane Ebiblia ehaanire?
Bantu banene banaba banihire oku hali ebintu binja byaba, aliko eyi barhachizerere akaba kweri ebyola banihire nji byanaba. Arhali ntyo kw’ebye Biblia yowe elaganyize biba. Rhwakakomeza obwemere bwerhu omu by’ederhere, omu “kusuzuma bwinja-bwinja amandiko.” (Matendo 17:11) Ok’oli wayiga Ebiblia, wagala kuchishoga woyo wenyine akaba wakayemera eby’ederhere oku bilolere amango mayinjire.
HUMBA BWENENE
Rhushambale ku ziguma omu hali zinja z’amango mayinjire Ebiblia elaganyize. Lola gurhe obunihire Ebiblia ehaanire buli bwarhabala abantu zene.
4. Ebiblia ehaanire obunihire bw’akalamo k’esiku n’amango omu hali zishinganene
Lola kw’ebila bilagane bili omu Biblia. Chihe chiguma mu byo chikusimisize bwenene? Bulagurhe?
Osome amandiko malemere makulikira ebila bilagane, muje mwaganira kw’ebila bibazo:
Oyunvirhe nka hali obunihire amala mandiko makuhere si? Makanihiza abantu b’omulala gwawe na bera bawe si?
Chapa omu bwenge okuwakaba olamire omu gulu aha
NTA MUNTU NJI . . . |
BULI MUNTU NJI . . . |
|---|---|
|
|
|
|
|
|
|
|
|
|
5. Obunihire bwe Biblia bwakahindamula akalamo kawe
Bantu banene bavunikire omurhima changwa bakala bayorha balubire (barhundwire) eju y’ebibazo bali bahurana. Baguma yibalwisa-lwisa bahindamule ebintu bibe nka byakwira. Lola gurhe echilagane che Biblia chiderhere okw’ebintu nji byakwira yicharhabala abantu zene. Ziha EVIDEO, muje mwaganira kw’ebila bibazo.
Mw’eyila video, bulyalya buchi bwaliri bwagayisa Rafika?
Chiro akaba ok’obulyalya aliri abona burhalihwere, gurhe Ebiblia yalimurhabere?
Obunihire Ebiblia erhuhere oku bilolere amango mayinjire, bwakarhurhabala rhulwise ehali y’okuvunika omurhima n’ebibazo byerhu eyi rhunaherhe obusime. Osome Mezali 17:22 na Waroma 12:12, muje mwaganira kw’echila chibazo:
Owazize k’oburhumwa b’obunihire buli omu Biblia bwakahindamula akalamo kawe zene si? Bulagurhe?
HALI ABANTU BANADERHA: “Ebye Biblia elaganyize oku mango mayinjire, bivire byaba m’omunyu.”
Orhabwene oku kuli kwinja ochilolere wenyine obukweri bw’ebintu si?
OKU BUGEKE
Ebiblia erhuhere obulangalire enarhurhabere kulwisa ebibazo byerhu omu kurhulaganya amango mayinjire mayunjwire obusime.
Rhuchiyibusye
Bulagurhe abantu bakeneere obunihire?
Bichi Ebiblia ederhere oku bilolere amango mayinjire?
Nka gurhe okunihira amango mayinjire kwakakurhabala zene?
EYINDI MYAZI
Hala eyindi myazi eyerekene ok’obunihire bunarhabala.
“Ngahe Wakabona Obunihire?” (Amuka!, Siku 22 Mwezi gwa 4, 2004)
Lola okuntu okunihira amango mayinjire kwakarhabala balala bagwerhe amalwala marhafuma.
“Gurhe Ebiblia Yakakurhabala Kulama n’Obulwala Burhafuma?” (Mwazi guli oku jw.org)
Ok’oli walola eyila video y’omuziki, chapa omu bwenge woyo n’omulala gwawe muli mwasiimira akalamo omu Paradizo yayinjire Ebiblia elaganyize.
Osome gurhe omuntu waliri alwisa ahindamule akalamo k’abantu ahindamulaga amawazo mage amango ayiga ebye Biblia elaganyize oku mango mayinjire.
“Intachichiyunva oku Nkwanene Mpindamule Egulu” (Omunara g’Omulanzi, Lusiku 1, Mwezi gwa 7, 2013)