Pekwaʼikuhayeikawani

Kemɨtiuyuri Pablo

VIDEO: Pablo katikuhayeikawatɨ niuki ʼaixɨ manuyɨtɨká pɨtaxá Éfeso

1. Neuxeiya VIDEO nutsɨ nakaterɨwa Hechos 19:​8-10. ʼAriketá ʼikɨ ʼiwaurikate neutiʼeiya:

1. Tseepá hiipatɨ mekaʼiʼeni kemɨtiwakuxaxaatɨwakai, ¿ketetehamaté kenaame Pablo katiuhayewaxɨ niuki ʼaixɨ manuyɨtɨká kuxaatatɨ?

2. ¿Kereuteterekaku Pablo tiwarutixaxaatɨwakai keane memikuʼeniwakai, metá kereuterixɨ mɨpaɨ tiyurienetɨ?

¿Tita tetehetimamateke Pablo heetsíe?

2. Hutarieka temɨtewataxaatɨanikɨ keane memɨtatsiʼuʼeni metá ʼɨkitɨarika temɨkatsutɨanikɨ, peuyewetsé waɨkawa tuukaari metá tsiere mɨyuwaɨritɨaka.

Pablo keneutaʼɨki

3. Keneʼiwatamie tewi tuukaari makahɨkatsíe. Ketineuyuʼiwawiya: «¿Kepauka tuukaari nepakahɨ́ haamatɨana nemɨtixaatamiekɨ? ¿Kepauka tuukaari pakahɨ́ nehaamatɨa mɨretixaatakɨ? ¿Hakewa pɨreuyehɨwá temeyuxeiya?». Keneuyeʼiwatatɨyeikani kepauka mekahɨkatsíe, tseepá mɨkɨ ʼekɨ kaʼatsikunanake.

4. Keneutaʼiwawiya kepauka tarieka xeteʼutixaatawe. ʼAkuxi pekatitahayewaweti keane tewi haamatɨa pemɨtikuxaata yaketineutahɨawi kepauka metá keʼupaukakaku pemeʼiwatamie metá ʼaniuki kenayeʼatɨwani.

5. Pepɨkatikuhayeikawani. Pepɨkatikuʼeriwani kenaame keane pemɨtiutaxaatɨa kareumaimɨkɨ xeikɨ́a kiena pekaʼikaxexeiyakɨ yakatixaɨ waɨká mɨtiʼuximayakɨ (1 Cor. 13:​4, 7). Pekwatikuhayeikawani peʼipareewietɨ metá ketinewauneni kepemɨreuyɨweni haamatɨana ketineutixaxaatani, mɨɨtá pepɨkaratɨmaiyani tuukaari ʼaixɨ ketinekuxɨxɨtɨwani (1 Cor. 9:26).