Pahina Dos
ANO ang nagasulod sa hunahuna mo kon makabati ka tuhoy sa mga tawo nga nagatulog sa mga bangko sa parke kag mga sidewalk ukon nagakuritot sa mga kahon ukon sa idalom sang plastik? Ang makaluluoy nga mga talan-awon kaangay sini lapnag nga ginbalhag sa mga balita, kag ang mga taga-siudad nakahibalo gid sini. Apang ang problema sining ginatawag nga taga-kalye nga mga tawo, bisan pa makatulublag, isa lamang ka diutay nga bahin sang kabug-osan nga laragway sang kakulang sing pamalay kag pagkawala sing balay sa bug-os nga kalibutan. Ano ang matuod nga kahimtangan, kag daw ano ka serioso ini?