Ang Uniberso Gintuga Ukon Natabuan Lamang Bala?
SA ISA ka nagapadayon gihapon nga debate sa kon bala ang uniberso gintuga ukon natabuan lamang, ang masunod nga mga komento ni Paul Davies, propesor sang theoretical physics sa University of Newcastle sa Gran Britanya, sa iya libro nga God and the New Physics makapahunahuna gid:
“Kon ang uniberso aksidente lamang, ang posibilidad batok sa sini nga mangin mahim-ong diutay kaayo. . . . Bangod maathag nga indi amo sini ang natabo, daw mabudlay likawan ang konklusyon nga ang aktuwal nga kahimtangan sang uniberso ‘pinili’ ukon ginpili gikan sa madamo nga kahimtangan, nga ang kalabanan magamo. Kag kon inang daw indi gid mapatihan nga umpisa nga kahimtangan ginpili, pat-od nga may yara manugpili ukon manugdesinyo nga ‘nagpili’ sini.”
Sa pagkamatuod, subong nga ang manunukod nagapili sing desinyo kag sing materyales nga iya gamiton, gintuga man sang labing gamhanan nga Dios, nga ang ngalan Jehova, ang uniberso. (Salmo 83:18; Bugna 4:11) Ang konklusyon ni Propesor Davies nagapahanumdom gid sa aton sang mga pulong ni apostol Pablo sa Hebreo 3:4: “Sia nga nagtukod sang tanan nga butang amo ang Dios.”
[Ginkuhaan sang Laragway sa pahina 13]
Mga retrato sang NASA