Makahalawhaw nga Pasundayag sang Langitnon nga Kapawa
Ang makahalawhaw nga northern lights (aurora borealis; sa Nakatundan nga hemisperio, ang aurora australis) nagapabilin nga isa sa mga tanhaga sa kalangitan. Lainlain nga teoriya ang ginahatag agod ipaathag ang pagguwa nila.
Sining karon lang, ang ideya amo nga ang mga kapawa makita “kon ang kargado nga mga malatinga halin sa adlaw nagaigo sa naibabaw nga atmospera malapit sa may batobalani nga mga ukbong sang duta.” Ang berde ukon dalagdalagon nga berde amo ang duag nga masami nga makita, apang, ang pula, klase sang duag nga orange, kag bioleta makita.
Bisan pa nga ang mga kapawa masunson makita subong sang nagabalodbalod nga gurayguray ukon mga ribete sang kapawa, ang isa ka makahalawhaw nga pasundayag may dagway sang isa ka higante nga kupula sa langit nga may nagaarko nga mga raya nga nagasiga halin sa sentro nga bahin sa ibabaw mismo sang mga nagatan-aw kag paubos tubtob sa malab-ot sang mata sang tanan sa palibot nila.
Ining makahalawhaw nga pasundayag sang kapawa nagapahanumdom sa pinamulong sang salmista sang magsiling sia:
“Daw ano kadamo ang imo mga binuhatan, O Jehova!
Sa kaalam ginhimo mo sila tanan.
Ang duta puno sang imo mga manggad.”—Salmo 104:24.
[Picture Credit Line sa pahina 31]
Litrato ni Lee Snyder, Geophysical Institute, University of Alaska—Fairbanks