Isa ka Importante nga Kasangkapan sa Pagtuon

Ang isa ka katapo sang parlamento sa pungsod sang Sri Lanka nagsulat sa “Editor sang ‘Magmata!’” Ang iya sulat ginkopya sa ubos:

“Mahal nga Ginuo,

“Dapat isiling nga bisan pa ang Magmata! nga magasin nga ginabalhag ninyo gamay, importante gid ini kag sibu sa tion. Ang tagsa ka artikulo nagabulig sa mga pamatan-on karon nga mapatuhay sing maathag ang maayo kag malain.

“Nabasa ko ang tanan nga artikulo. Ang akon impresyon amo nga ang tanan nga manunudlo, estudyante, kag ginikanan dapat gid magbasa sining magasin.

“Ginaapresyar ko gid ang inyo maayong hilikuton. Ginahandum ko ang dalayon nga kadalag-an sa inyo mga panikasog.”

Halos 16 milyones ka kopya sang tagsa ka guwa sang Magmata! ang ginaimprinta, sa 78 ka hambal. Ang magasin ginakilala sa bilog nga kalibutan subong isa ka importante nga kasangkapan sa pagtuon. Ikaw man makabenepisyo gikan sa pagbasa sini. Kon luyag mo sing isa ka kopya ukon maluyag makatigayon sing walay bayad nga pagtuon sa Biblia sa puluy-an, magsulat palihug sa Watch Tower, P.O. 2044, 1099 Manila, ukon sa nagakaigo nga direksion nga nalista sa pahina 5.