Nadula ang Iya Pagpangduhaduha

Sang ginduaw sang mga Saksi ni Jehova ang isa ka solterito sa isla sang Caribbeano sa Jamaica, daku gid ang iya pagpangduhaduha tuhoy sa pagluntad sang Dios kag wala sia nagapati nga inspirado ang Biblia. Apang, napilitan sia nga batunon ang isa ka kopya sang libro nga The Bible​—⁠God’s Word or Man’s? Nahimo ang pila ka pagduaw liwat sa iya, apang ginsilingan niya sang ulihi ang mga Saksi nga indi na lang magbalik luwas kon agdahon niya sila.

“Mga binulan sang ulihi,” ang mga Saksi nagreport, “nagtawag sia sa telepono kag nagpautwas sing madamo nga pamangkot. Apang indi gihapon sia kumbinsido sa mga sabat sang Biblia.”

Sang ulihi, isa ka kopya sang libro nga Ang Ihibalo nga Nagadul-ong sa Kabuhi nga Walay Katapusan ang ginbilin sa sini nga solterito, kag isa ka regular nga pagtuon sa Biblia ang nasugdan upod sa iya. Wala madugay pagkatapos sadto, nagkomento sia: “Nahangpan ko na kon ngaa importante ang amo sini nga sahi sang pagtuon.” Nalipay gid sia sa iya natun-an amo nga nangabay sia nga magtuon sing duha ka beses kada semana. Wala madugay nagtambong sia sa Cristianong mga miting sing regular.

Ang pagtuo sang minilyon napalig-on paagi sa pagbasa sa The Bible​—⁠God’s Word or Man’s? kag sa pagtuon sa libro nga Ang Ihibalo nga Nagadul-ong sa Kabuhi nga Walay Katapusan. Kon luyag mo makatigayon sing kopya sini nga mga libro ukon sing isa nga magadumala sing pagtuon sa Biblia sa puluy-an upod sa imo, magsulat palihug sa Watch Tower, P.O. Box 2044, 1060 Manila, ukon sa nagakaigo nga direksion nga nalista sa pahina 5.