Ambahanon 177
Anong Sari Sang mga Tawo Kita Dapat Mangin Amo?
1. Dakung adlaw ni Jehova aton nga huptan.
Si Jehova kag Anak n’ya ang pamatian.
Gabi madalom na, nian kaagahon;
Kag ang kalibutan pagalaglagon.
Kinahanglan pirme kita magpangamuyo.
Aton ini panikasgan nga may pagtuo.
Sa Dios mangamuyo tinagipusuon,
Ang hunahuna nga malinong aton maagom.
2. Ang kalipay kag kalinong yari sa aton,
Indi lipod sa katawhan, kay talanawon.
Anong sari kita dapat nga amo?
Anong balaan nga buhat ang sibu?
Isugid ang pagkabunag sang Ginharian,
Kag subong man iya Bago nga Kalibutan.
Kag ang katarungan diri magapuyo.
Ining maayo nga balita ipahibalo.
3. Ang paggawi, pagkabuhi aton bantayan,
’Gahisuno sa prinsipio aton natunan.
Si Cristo naghugas sa sala naton;
Ang kalinong sang Dios ang ginaagom.
Luyag naton nga matinlo kag wala dagta
Kag subong nga alagad n’ya kita hilway na.
Kon ang Dios malapit kag sia Abyan naton,
Sia magabulig, magaaman gid sing padayon.