Watchtower ONLINE NGA LIBRARY
Watchtower
ONLINE NGA LIBRARY
Hiligaynon
  • BIBLIA
  • PUBLIKASYON
  • MITING
  • rq leksion 16 p. 31
  • Ang Imo Desisyon nga Mag-alagad sa Dios

Wala ang video nga ginpili mo.

Sorry, may error sa pag-load sang video.

  • Ang Imo Desisyon nga Mag-alagad sa Dios
  • Ano ang Ginapatuman sang Dios sa Aton?
  • Pareho nga Materyal
  • Handa Ka Na Bala nga Magpabawtismo?
    Ang Lalantawan Nagabantala sang Ginharian ni Jehova (Tulun-an)—2020
  • Ang Bawtismo kag ang Imo Relasyon sa Dios
    Ano Gid ang Ginatudlo sang Biblia?
  • Dapat Bala Ako Magdedikar sa Dios kag Magpabawtismo?
    Ano ang Ginatudlo sang Biblia sa Aton?
  • Himua nga Tulumuron ang Pag-alagad sa Dios Sing Dayon
    Ang Ihibalo nga Nagadul-ong sa Kabuhi nga Walay Katapusan
Mangita sing Iban Pa
Ano ang Ginapatuman sang Dios sa Aton?
rq leksion 16 p. 31

Leksion 16

Ang Imo Desisyon nga Mag-alagad sa Dios

Ano ang dapat mo himuon agod mangin abyan sang Dios? (1, 2)

Paano mo ginahimo ang imo pagdedikar sa Dios? (1)

San-o ka dapat magpabawtismo? (2)

Paano ka makatigayon sing kusog agod magpabilin nga matutom sa Dios? (3)

1. Agod mangin abyan sang Dios, dapat ka magkuha sing maayong ihibalo sa kamatuoran sang Biblia (1 Timoteo 2:​3, 4), magtuo sa mga butang nga natun-an mo (Hebreo 11:⁠6), maghinulsol sa imo mga sala (Binuhatan 17:​30, 31), kag magbag-o sang imo dalanon sang kabuhi. (Binuhatan 3:19) Nian ang imo gugma sa Dios dapat magpahulag sa imo nga idedikar ang imo kaugalingon sa iya. Nagakahulugan ini nga paagi sa personal, pribado nga pangamuyo sa Dios ginasugid mo sa iya nga ginahatag mo ang imo kaugalingon sa iya sa paghimo sang iya kabubut-on.​—⁠Mateo 16:24; 22:37.

2. Sa tapos ka makadedikar sa Dios, dapat ka magpabawtismo. (Mateo 28:​19, 20) Ang bawtismo nagapahibalo sa tanan nga gindedikar mo na ang imo kaugalingon kay Jehova. Gani ang bawtismo para lamang sa mga may nagakaigo nga edad nga makahimo sing desisyon sa pag-alagad sa Dios. Kon ginabawtismuhan ang isa ka tawo, ang iya bug-os nga lawas dapat itum-oy sa tubig sa makadali.a​—⁠Marcos 1:​9, 10; Binuhatan 8:⁠36.

3. Sa tapos ka makahimo sing dedikasyon, si Jehova nagapaabot sa imo nga magkabuhi ka suno sa imo panaad. (Salmo 50:14; Manugwali 5:​4, 5) Ang Yawa magatinguha sa pagpauntat sa imo sa pag-alagad kay Jehova. (1 Pedro 5:⁠8) Apang magpalapit sing suod sa Dios paagi sa pangamuyo. (Filipos 4:​6, 7) Tun-i ang iya Pulong kada adlaw. (Salmo 1:​1-3) Magpabilin nga suod sa kongregasyon. (Hebreo 13:17) Paagi sa paghimo sini tanan, matigayon mo ang kusog sa pagpabilin nga matutom sa Dios. Sa amo mahimo mo sa walay katubtuban ang mga butang nga ginapatuman sang Dios sa imo!

[Footnote]

a Ang pagtuon sa Ang Ihibalo nga Nagadul-ong sa Kabuhi nga Walay Katapusan, ukon sa kaanggid nga libro nga ginbalhag sang Watch Tower Bible and Tract Society, ginarekomendar bilang paghanda para sa bawtismo.

    Hiligaynon Publications (1980-2025)
    Mag-log Out
    Mag-log In
    • Hiligaynon
    • I-share
    • Mga preference
    • Copyright © 2025 Watch Tower Bible and Tract Society of Pennsylvania
    • Mga Kasugtanan sa Paggamit
    • Privacy Policy
    • Privacy Settings
    • JW.ORG
    • Mag-log In
    I-share