KAHON 21A
“Magkuha Kamo sing Duta . . . kag Ihatag Ninyo Ini sa Dios”
Sundan naton si Ezequiel samtang ginatan-aw niya sing maayo ang bahin sang duta nga ginpain ni Jehova. May lima ini ka parte. Ano ini? Kag ano ang katuyuan sini?
A. ‘Ang Duta nga Ihatag sa Dios’
Gamiton ini sang gobierno kag ginatawag ini nga “duta sang administrasyon.”
B. Ang Kabilugan nga “Balaan nga Duta”
Para ini sa mga saserdote, mga Levinhon, kag sa siudad. Ang mga miembro sang tanan nga 12 ka tribo makasulod sa sini nga parte sang duta para magsimba kay Jehova kag magsuporta sa kahimusan sang administrasyon.
C. “Ang Duta sang Pangulo”
“Ini nga duta mangin bahin niya sa Israel.” “Mangin para ini sa pangulo.”
D. “Ang Balaan nga Duta”
Ini nga parte ginalaragway man nga “isa ka balaan nga bahin.” Ang naibabaw nga parte, “para sa mga Levinhon.” “Balaan ini.” Ang sa tunga, “balaan nga duta para sa mga saserdote.” “Ini mangin lugar para sa ila mga balay kag balaan nga lugar para sa santuaryo,” ukon templo.
E. “Ang Nabilin nga Kasangkaron”
“Mangin iya ini sang bug-os nga panimalay sang Israel” kag “mangin para sa kinaandan nga paggamit sang siudad, patindugan sing mga balay kag himuon nga halalban.”