PAGSUGOD SA PAG-ISTORYAHANAY
LEKSION 5
Mangin Matinahuron
Prinsipio: “Maghambal kamo pirme sing mainayuhon.”—Col. 4:6.
Ang Ginhimo ni Pablo
1. Tan-awa ang VIDEO, ukon basaha ang Binuhatan 17:22, 23. Dayon binagbinaga ang masunod nga mga pamangkot:
Ano ang ginbatyag ni Pablo sang nakita niya ang pagsimba sa mga diosdios sa Atenas?—Tan-awa ang Binu. 17:16.
Ano ang ginhimo ni Pablo para matinahuron niya nga masugiran sang maayong balita ang mga taga-Atenas?
Ano ang Matun-an Naton kay Pablo?
2. Kon nagahalong kita kon ano ang aton ihambal, kon paano ini ihambal, kag kon san-o ini ihambal, mas pamatian kita sang mga tawo.
Iluga si Pablo
3. Pilia sing maayo ang imo mga tinaga. Halimbawa, kon nagaistorya ka sa mga indi Cristiano, mahimo kinahanglan mo bag-uhon ang imo pagsambit sa Biblia ukon pagtawag kay Jesus.
4. Indi dayon paghambala ang imo kaistorya nga sala sia. Pahambala sia. Kon may ginhambal sia nga wala nabase sa ginatudlo sang Biblia, indi sia pagbaisa. (Sant. 1:19) Kon pamatian mo sia, mabal-an mo kon ano ang iya ginapatihan kag kon ngaa ginapatihan niya ini.—Hulu. 20:5.
5. Kon posible, ugyuni kag dayawa ang imo kaistorya. Mahimo kumbinsido gid sia nga husto ang iya ginapatihan. Mangita anay sang topiko nga pareho ninyo nga ginaugyunan, dayon amat-amat sia nga buligi nga maintiendihan kon ano ang ginatudlo sang Biblia.