Paglandas sa Balatyagon

Ang paglandas sing madinalag-on sa aton mga balatyagon isa gid ka hangkat. Ang isa ka pamatan-on nga babayi nagasugid sang iya eksperiensia: “Nagabatyag ako sing kalipay, apang pagkatapos nasuboan gid ako. Kon kaisa indi ko mahibaloan kon ano ang akon ginabatyag. Daw subong bala nga daw wala ako sing mahimo sa dulom. Indi ko mapabutyag ang akon kaugalingon kag ang akon balatyagon wala sing kabilinggan sa akon ginasugilanon, wala bisan sa akon mismo. Daw subong bala nga wala ako matalupangdi sang mga tawo sa palibot ko, labi na sang akon mga kabutho, bangod indi ako matahom. Sang ulihi ining tanan nga balatyagon nagapatay sa akon sa sulod, kag nagsugod ako sa pagkaugot sa akon kaugalingon kag sa akon personalidad.”

Nakakuha sia sing kopya sang libro Your Youth—Getting the Best out of It. “Makawiwili gid ini,” sulat niya, “gani ginbasa ko ang kapitulo ‘Mov­ing Into Woman­hood.’ Daw indi ako magpati sa akon nabasa bangod ginalaragway sing eksakto sang kapitulo kon ano ang ginbatyag ko sining karon lang, kag ginhatag sini ang sabat. Makapalig-on gid ini basahon nga dikinaandan ang magbatyag sing subong sini. Dapat ko lang mahibaloan ang husto nga paagi sa pagdala sini.”

Luwas sa pagbulig sa mga pamatan-on nga landason ang ila mga balatyagon, ini nga libro nagahinun-anon sang mga bagay subong sang masturbasyon, kag ginasabat sini ang mga pamangkot, Dapat bala mag-inum ang mga pamatan-on sing makahulubog nga ilimnon? kag, Dapat bala sila maghulid sa wala pa ang kasal? Batona ang isa ka kopya sa ₱14.00 lamang paagi sa pagsulat kag pagpadala sa kupon.

Palihug ipadala, nga nabayaran na ang selyo, ang matig-a sing hapin, 192-pahina nga libro Your Youth—Getting the Best out of It. Naglakip ako sing ₱14.00.