Nag-order Sia sing 50 ka Kopya!
Sang ang libro nga Life—How Did It Get Here? By Evolution or by Creation? ginpaguwa sang mga duha ka tuig na ang nakaligad, ginhunahuna sang isa ka babayi sa Inglaterra nga isa ini ka matahom nga regalo para sa iya tiyo, nga isa ka impluensiado nga 84-anyos nga negosyante sa Yorkshire. Gani ginhatagan niya sia sang kopya.
Sa sulod sang isa ka semana gintawgan niya sia kag nagsiling: “Matahom, ina nga libro matahom kaayo! Puede mo bala ako makuhaan sang dugang nga kopya? Iregalo ko ini sa akon mga kaupdanan sa negosyo.”
Beinte-singko lamang ang matigayon sa gilayon, kag ginpanagtag niya dayon ini sa iya mga kaupdanan. Apang luyag niya ang 25 pa. Natigayon ini, kag ginpanghatag man niya ini sa iya mga kaupdanan—50 tanan!
Ayhan pareho sang negosyante nga ini ang imo balatyagon tuhoy sa Creation nga libro. May kilala ka bala nga luyag mo paambitan sining Makasulatanhon nga publikasyon? Ngaa indi mo sia pagpadalhan sing regalo nga kopya? Mapadalhan mo sia paagi sa pagsulat kag pagpadala sang kupon sa ubos, nagalakip sang ₱35.00 lamang.
Palihog padalhi ako, nga nabayaran na ang selyo, sing regalo nga kopya sang 256-pahina nga libro nga Life—How Did It Get Here? By Evolution or by Creation? kag sang sulat man nga nagapaathag nga regalo ini halin kay (imo ngalan). Naglakip ako sing ₱35.00.