Musika nga Nagabulong

Isa ka lamharon nga iloy gikan sa Iowa, E.U.A., ang nagapaathag: “Nagasulat ako sa inyo agod sugiran kamo kon daw ano ka importante sa akon kag sa akon pamilya ang inyo [piano] nga mga ­tapes nga ‘Sing Praises to Jehovah.’ Kada adlaw, ginailili ko ang akon tres anyos nga bata sa pagtulog. Apang ginabutang ko anay ang isa ka tape, kag nian ginakuha ang akon song­book kag nagakanta sing dungan samtang nagatulog sia.”

Ginlaragway pa sini nga iloy ang maaga nga pagkabun-ag sang iya manghud nga bata kag ang pag-antos niya sa res­pirator, diin ginbutangan sia sing tubo pakadto sa iya tutunlan. Nanugiron sia: “Ginpamangkot ko sa mga nars kon bala amon madala ang tape play­er kag mga music tape para sa iya. Siling nila puede. Indi makapati ang mga nars sa kon paano sia nabuligan sang mga tape sa pagrelaks. Nagkomento sila nga kada magsinabad sia, ginapatokar nila ang iya musika para sa iya. Ang isa ka nars nagsiling pa gani: ‘Kuntani may amo kami sini nga musika para sa tanan nga lapsag. Katahom gid sini. Ang mabatian lamang sining mga lapsag amo ang paghuni sang ila mga monitor.’”

Sa pagkamatuod, nasapwan sang madamo ining musika nga nagabulong sa ila kalag. Ang matahom nga album nga natig-uluhan “Sing Praises to Jehovah,” nga nagaunod sing walo ka cas­sette, matigayon sa ₱225 lamang. Sarang ninyo mabaton ang album paagi sa pagsulat kag sa pagpadala sa kaupod nga kupon upod sa inyo bayad.

Palihog ipadala, nga nabayaran na ang selyo, ang album “Sing Praises to Jehovah” nga may walo ka cas­sette music ­tapes. Naglakip ako sing ₱225. (Sa guwa sang Pilipinas, sulati ang lokal nga sanga sang Watch Tower para sa impormasyon.)