Tulun-an nga Edisyon

ANG KATUYUAN SANG TULUN-AN NGA MGA ARTIKULO

TULUN-AN NGA ARTIKULO 1, 2 PAHINA 3-12

Ginapakita sini nga mga artikulo ang maayo nga mga rason sa pag-aplikar sa laygay ni Jehova parte sa pag-asawahay. Mapabakod sini ang aton apresasyon sa regalo sang Dios nga pag-asawahay. Isa pa, ipakita sini kon ngaa importante nga mangin positibo bisan pa magluya ang pag-asawahay kag kon paano ang laygay sang Biblia makabulig sa kalipay sa pamilya.

TULUN-AN NGA ARTIKULO 3 PAHINA 17-21

Binagbinagon sini nga artikulo kon paano nangin Dakung Manughupot sing Tion si Jehova. Magapabakod ini sang aton pagtuo sa iya kag sa iya Pulong, ang Biblia. Magapabakod man ini sang aton pamat-od nga gamiton sing maalamon ang aton tion samtang masaligon nga nagahulat sang pagluwas ni Jehova.

TULUN-AN NGA ARTIKULO 4 PAHINA 23-27

Bisan pa ginahigugma naton ang Dios, indi kita himpit. Pero gusto naton nga ipabanaag ang himaya ni Jehova. Ipaathag sini nga artikulo kon paano naton ini mahimo kag kon ano ang dapat himuon para mailog kag mapahalipay ang Dios. (Efe. 5:1) Ipadaku man sini kon paano naton sia padayon nga himayaon.