Ipaambit ang Sibu nga Ihibalo sa Pebrero
1 Sa aton ministeryo sa latagon sa Pebrero, gamiton naton ang Mabuhi sing Dayon nga libro. Ano ang isiling mo sa pagsugod sang suno-sa-tion nga paghinun-anon sa Biblia, kag paano mo ipakilala ining matahom nga publikasyon?
2 Nagagamit sang Aton Bag-ong mga Tract: Ang iban nga mga manugbantala madinalag-on nga nagagamit sing mga tract sa pagpukaw sang interes sang isa ka tawo, bisan antes pa itanyag ang iban nga literatura. Paano kita ginabuligan nga mahimo ini? Paagi sa paggamit sa aton bag-o nga tract nga Makalampuwas Bala Ining Kalibutan?
Pagkatapos sang nagakaigo nga panamyaw, mahimo ka makasiling:
◼ “Ginapamangkot namon ang mga tawo kon sa banta nila may paglaum pa nga magaayo ang kabuhi. Ano sa banta mo? [Pasabta sia.] Talupangda kon ano ang ginasiling sang Biblia diri sa Juan 17:3. [Basaha.] Ang Dios lamang kag si Jesucristo ang makahatag sa aton sing kabuhi nga walay katapusan. [Buksi ang pahina 3 sang tract.] Ginlaragway ni Jesus ang mga hitabo nga mahanabo antes gid malaglag ang kalibutan. Apang ginsilingan niya ang iya mga disipulo nga magkasadya bangod ining mga hitabo nagakahulugan nga malapit na ang kaluwasan.” Nian sarang mo mapakita ang pila sang mga laragway sa kapitulo 19 sang Mabuhi sing Dayon nga libro agod ipakita ang pila sang mga pagpakamaayo sang pagginahom sang Ginharian.
3 Mahimo gamiton sang isa ka lamharon ukon bag-uhan nga manugbantala ang mga laragway sa tract subong introduksion.
Nagagamit sing tract nga “Makalampuwas Bala Ining Kalibutan?,” sarang mabuksan sang manugbantala ang pahina 3 kag 4 kag magasiling:
◼ “Talupangda ining duha ka laragway, ang isa tuhoy sa eroplano nga nagahulog sing mga bomba sa tiempo-gira kag ang isa pa tuhoy sa gutom nga bata. [Buksi sa pahina 5.] Tan-awa ining mga laragway tuhoy sa linog kag sa tawo nga masakiton sa ospital. [Magdulog.] Ginapakita sang Biblia nga ining makahaladlok nga mga butang pagatapuson sa dili madugay.”
4 Kon ang tawo interesado, basaha ang Bugna 21:3, 4 sa Biblia ukon sa tract sa pahina 6. Nian sarang mo mapakita ang isa ka nagakaigo nga bahin sa Mabuhi sing Dayon nga libro, subong sang mga laragway sa pahina 9 kag 11-13.
5 Ipasad ang Sadsaran Para sa Palaabuton nga Pagduaw: Siempre pa, nakabilin man kita sing tract, ukon nakapahamtang sing Mabuhi sing Dayon nga libro, ukon may maayo lamang nga paghambalanay, mahimo kita makasiling: “Sa akon masunod nga pagduaw, luyag ko isugid sa imo ang makawiwili nga punto nahanungod sa mga tagna sang Biblia nga nagapakita nga nagakabuhi kita karon sa ganhaan sang bag-ong kalibutan.” Pat-ura nga isulat ang pagduaw kag interes nga ginpakita, kag magbalik sa gilayon agod palambuon ang interes kag ayhan sugdan ang isa ka pagtuon sa Biblia.
6 Ang Ginharian nagatanyag sang lamang matuod nga paglaum para sa katawhan. Ipakita naton ang aton hanuot nga handum nga ipaambit sa tanan nga masugilanon naton ang “sibu nga ihibalo sang balaan nga tinago sang Dios.”—Col. 2:2.