Mga Balita Teokratiko

French Guiana: Ginapakita sang Oktubre nga report ang ika-15 nga sagunson nga kataason sa manugbantala, nga may 948 nga nagareport. Ang mga manugbantala sang kongregasyon nagpromedyo sing 15.1 ka oras sa pag-alagad sa latagon.

Hong Kong: Ang bag-ong kataason nga 2,704 ka manugbantala nalab-ot sang Oktubre. Maayo makita nga nagadumala sila sing 4,043 ka pagtuon sa Biblia.

Jamaica: Ang nahaunang Assembly Hall sa Jamaica gindedikahan sang Nobiembre 7, 1992, kag 4,469 ang nagtambong.

Madagascar: Ang lima ka “Mga Manugdala sing Kapawa” nga Distrito nga Kombension gintambungan sang 10,694, kag 241 ang nabawtismuhan. Ang tumalambong sobra sa pilo sang ila kataason nga 4,542 ka manugbantala.

Dominican Republic: Paagi sa 15,418 nga nagreport, nakatigayon sila sing 20-porsiento nga pag-uswag sa mga manugbantala sangsa nagligad nga tuig sa pag-alagad. Kapin sa 20 porsiento sang manugbantala ang yara sa bug-os tion nga pag-alagad.

Pilipinas: Katluan kag pito ka “Mga Manugdala sing Kapawa” nga Distrito nga Kombension ang gintambungan sang 277,691, kag 4,099 ang nabawtismuhan. Sa 34 ka kombension nga ginhiwat sang nagligad nga tuig, ang tumalambong 265,686, kag 4,093 ang ginbawtismuhan.