Magpauswag sing Isa ka Makapahulag nga Introduksion
1 Ang Lalantawan kag Magmata! mapuslanon sa pagtanum sang mga binhi sang kamatuoran sa tagipusuon sang mga bumalasa. Busa, luyag naton magpauswag sing epektibo nga mga paagi sa pagpahamtang sining mga magasin sa puluy-an sang mga tawo sa Abril.
2 Paano ang mga tagbalay mapahulag sa pagbaton kag sa pagbasa sang aton mga magasin? Nasandig ini sing daku sa kon paano naton ini ginatanyag. Ang maayong mga panugda makita sa Reasoning nga libro, pahina 9-15.
3 Sa pagtanyag sang Abril 1 nga Lalantawan, mahimo ninyo tilawan nga gamiton ang ikatlo nga panugda sa ubos sang tig-ulo nga “Current Events” sa pahina 10-11 sang Reasoning nga libro.
Sa tapos mapakilala ang imo kaugalingon, makasiling ka:
◼ “Kon ikaw ang papilion, ano sa madamong problema nga ginaatubang sa karon sang katawhan ang luyag mo makita nga malubad una?” Pamatii ang sabat sang tagbalay, kag pasalamati ang iya kabalaka. Nian mahimo ka makapadayon, nagasiling sing kaangay sini: “Binagbinaga kon ano ang ginatanyag sang Biblia subong solusyon sa sinang mga problema. [Basaha ang Isaias 9:6, 7.] Gani ang matuod nga solusyon sa tanan nga mga problema sang katawhan nasandig sa makatarunganon nga paggahom sang Kapawa sang Kalibutan, nga si Jesucristo.” Nian magliton sa ikaduhang artikulo nga tulun-an, sa parapo 16-18, sa ubos sang subtitulo nga “Ang Nasanagan nga Bag-ong Kalibutan.”
4 Ang duha pa ka introduksion nga sarang ninyo magamit sa Abril 1 nga Lalantawan makita sa pahina 11 sang Reasoning nga libro, sa ubos sang tig-ulo nga “Employment/Housing.” Sarang ninyo mapabutyag ining mga pamangkot sa inyo kaugalingon nga tinaga ukon masulit lamang ang ginasiling sang Reasoning nga libro. Sa tapos mapasalamatan ang iya sabat, ipatalupangod ang nagakaigo nga mga punto sa artikulo nga “Sunda ang Kapawa sang Kalibutan.”
5 Kon ginagamit ninyo ang Abril 8 nga Awake! tuhoy sa “Science—Can It Meet Our Needs?,” mahimo ninyo tilawan ang ikatlo nga introduksion sa ubos sang tig-ulo nga “Life/Happiness” sa pahina 13 sang Reasoning nga libro. Sa tapos mapamangkot ang tagbalay kon ginabatyag niya nga malubad sang siensia ang aton mga problema kag mahatag ang kalipay, mapatalupangod ninyo ang nagakaigo nga punto sa Awake! nga magasin.
6 Mahimo kamo makasumalang sing mga tagbalay nga nagasiling nga may yara na sila kaugalingon nga relihiosong literatura. Mapaathag ninyo nga may mga publikasyon man kita nga kita lamang ang nagagamit (subong sang Ang Aton Ministeryo sang Ginharian); apang, ang aton mga balasahon ginabasa sang minilyon ka tawo nga indi mga Saksi ni Jehova.
7 Si Pablo nagsiling sa 1 Corinto 3:6: “Ako nagtanum, si Apolos nagbunyag, apang ang Dios nagpatubo.” Kon luyag naton nga patubuon ni Jehova ang mga binhi sang kamatuoran sa tagipusuon sang mga interesado, dapat naton hatagan sing igtalupangod ang pagtanum sing epektibo sining mga binhi paagi sa paggamit sing nagapahulag nga mga introduksion.