Mga Pahibalo

◼ Tanyag nga literatura sa Oktubre: Isa ka tuig nga suskripsion sa Magmata! sa ₱40.00 (sa Awake! ₱80.00). Nobiembre: Mahimu Ka Mabuhi sing Dayon sa Paraiso sa Duta, daku nga edisyon (Ingles lamang) sa ₱60.00, gamay nga edisyon sa ₱30.00. Disiembre: New World Translation nga Biblia upod ang The Bible​—God’s Word or Man’s? sa ₱100.00. Enero: Ang Pinakabantog nga Tawo nga Nagkabuhi sa ₱60.00. PATALUPANGOD: Ang mga kongregasyon nga wala pa makaorder sang nasambit sa ibabaw nga kampanya nga mga libro dapat mag-order sa ila masunod nga binulan nga Literature Request Form (S-14).

◼ Ang mga manugbantala nga nagaplano sa pag-auxiliary payunir sa Nobiembre dapat magsumiter sang ila aplikasyon sing maaga. Magatugot ini sa mga gulang sa paghimo sing kinahanglanon nga mga kahimusan para sa literatura kag teritoryo.

◼ Sanglit ang Nobiembre 1 masami nga piesta-opisyal maayong tion ini sa paghimos sing pinasahi nga hilikuton sa magasin. Ginadumdom sang madamo nga tawo ang ila napatay nga mga hinigugma kon Oktubre 31 kag Nobiembre 1, gani maayo nga gamiton ang tract nga Ano ang Paglaum sang Napatay nga mga Hinigugma?, subong man ang Mga Espiritu sang Patay nga brosyur kon nagapamalaybalay ukon nagabantala sa mga patyo sa sina nga mga adlaw.