Ang Yearbook​—Tesorerya sang Pagpalig-on

¹ Ang mga report kag mga eksperiensia nahanungod sa makatilingala nga mga binuhatan ni Jehova pirme nga makapapagsik sa mga alagad sang Dios. (Job 38:​4, 7; Hulu. 25:25; Luc. 7:22; Binu. 15:31) Amo sina kon ngaa ang Yearbook of Jehovah’s Witnesses isa ka tesorerya sang pagpalig-on.

² Ang kada Yearbook nagahatag sing mga report halin sa palibot sang kalibutan tuhoy sa mga hilikuton sang mga Saksi ni Jehova. Ang makapalig-on nga mga eksperiensia nagapadaku sang panuytoy, pangamlig, kag pagpakamaayo ni Jehova sa iya katawhan. Ang Yearbook nagasugid tuhoy sa maisugon nga mga kalalakin-an kag mga kababayin-an nga nagbiya sang pamilya, mga abyan, kag tumandok nga duta agod dalhon ang mga kamatuoran sang Biblia sa mga tawo sa tanan nga mga kontinente.

³ Ang Yearbook nagpahulag sa madamong bumalasa nga dugangan ang ila pag-alagad sa Dios. Ang isa ka bumalasa nagsulat: “Indi ko ini mabasa sing madasig. Ang akon nabasa sa karon makapalig-on katama. Nagapabatyag ini sa akon nga labi pa ang akon mahimo sa pagbantala sang maayong balita kon makita ko ang ginahimo sang iban sa idalom sang pag-ipit.

⁴ Kada tuig sugod sang 1927, ang Yearbook of Jehovah’s Witnesses isa ka tunay nga tesorerya sang makapulukaw nga mga report kag mga eksperiensia. Nagabenepisyo bala kamo sing bug-os gikan sa sining pinasahi nga tuburan sang pagpalig-on? Kon amo, pat-ura nga basahon ang Yearbook pagkabaton ninyo sini, nga ayhan mabaton ninyo sa Enero ukon sa temprano nga bahin sang Pebrero. Nian sa bug-os nga tuig, repasuha ang espesipiko nga mga punto sini para sa kalig-unan nga ginakinahanglan mo kag sang imo pamilya.