Mga Miting sa Serbisyo para sa Disiembre
PATALUPANGOD: Nag-iskedyul kami sing Miting sa Serbisyo para sa kada semana sa binulan sang kombension. Ang mga kongregasyon dapat maghimo sing mga pagpasibu para makatambong sa distrito nga kombension kag nian para sa 30-minutos nga repaso sa programa sa Miting sa Serbisyo pagkadason nga semana. Mahimo iiskedyul sang mga kongregasyon sa Metro Manila ini nga repaso sa maaga nga bahin sang bulan, samtang himuon ini sang mga kongregasyon sa probinsia pagkatapos sang ila mga kombension. Ang repaso dapat itangdo sing abanse sa duha ukon tatlo ka sangkol nga mga utod nga lalaki nga magakonsentrar sa talalupangdon nga mga punto.
Semana sang Disiembre 6-12
Ambahanon 5
10 min: Lokal nga mga pahibalo kag Mga Pahibalo gikan sa Ang Aton Ministeryo sa Ginharian.
20 min: “Ang Balor sang Biblia sa Kalibutan Karon.” Paghambalanay sang manugtatap sa pag-alagad kag sang manugbantala nga nagahandum nga mapauswag ang iya ikasarang sa pamalaybalay nga hilikuton. Sa tapos mabinagbinag ang parapo 3, ang manugbantala ginapangabay nga tilawan ang ginpanugda nga presentasyon kag ang manugtatap sa pag-alagad amo ang tagbalay. Sa tapos mabinagbinag ang parapo 4, ang manugtatap sa pag-alagad nagapasundayag sang ginpanugda nga presentasyon sa manugbantala.
15 min: “Buligi ang mga Estudyante sa Biblia sa Paghanda Para sa Ila Pagtuon.” Pamangkot kag sabat. Basaha ang mga parapo kon ginatugot sang tion.
Ambahanon 52 kag nagatakop nga pangamuyo.
Semana sang Disiembre 13-19
Ambahanon 7
10 min: Lokal nga mga pahibalo, lakip ang report sa kwenta.
20 min: “Ang Libro nga Nagahatag sing Matuod nga Panuytoy.” Pamangkot kag sabat nga pagbinagbinag sa artikulo. Ipasundayag ang pagduaw liwat nga ginbalay sa parapo 3.
15 min: “Ang Yearbook—Tesorerya sang Pagpalig-on.” Pamulongpulong, nagaaplikar sang ginsitar nga mga kasulatan. Maghimo sing kahimusan nga ipasugid sa pila ka manugbantala ang mga eksperiensia nga masapwan sa pahina 32 sang Enero 1, 1990, Enero 1, 1987, kag Enero 1, 1986, nga mga guwa sang Ang Lalantawan.
Ambahanon 165 kag nagatakop nga pangamuyo.
Semana sang Disiembre 20-26
Ambahanon 74
10 min: Lokal nga mga pahibalo kag Mga Balita Teokratiko sa pahina 4.
20 min: “Nagapangatarungan Ka Bala Gikan sa Kasulatan?” Paghinun-anon upod sa tumalambong. Pagkatapos mabinagbinag ang parapo 4, ipasundayag kon paano maparaprase sang isa ka manugbantala ang kasulatan kon masako ang tagbalay. Palig-una ang tanan nga sundon ining panugda sa teritoryo diin madamo nga tawo ang masako. (2 Tim. 4:2) Pagkatapos sang parapo 6, pangabaya ang isa ka manugbantala nga epektibo sa paggamit sing Reasoning nga libro sa pagsugid kon paano niya ini ginagamit sa pagpanaksi.
15 min: “Ang Padayon nga Pagdamo Nagadugang sang Pagkinahanglan sing mga Kingdom Hall”—Bahin 1. Pamangkot kag sabat sa mga parapo 1-10 sang suplemento.
Ambahanon 108 kag nagatakop nga pangamuyo.
Semana sang Dis. 27–Ene. 2
Ambahanon 83
10 min: Lokal nga mga pahibalo. Subong man, hambali upod sa tumalambong ang “Bag-ong Programa sang Sirkito nga Asambleya.”
15 min: Paggamit sing Pinakabantog nga Tawo nga Libro sa Enero. Paghinun-anon upod sa tumalambong. Mamangkot subong sang: Anong kasaysayan tuhoy sa ministeryo ni Jesus ang nanamian gid nimo? Ngaa nanamian ka sa sini? Ano ang balor sini nga libro sa imo? Ano ang natun-an mo tuhoy kay Jehova paagi sa pagtuon sini? Anong (mga) punto ang nagamit mo na sa ministeryo? Ipapasundayag sa eksperiensiado nga manugbantala ang pagtanyag sang libro.
20 min: “Ang Padayon nga Pagdamo Nagadugang sang Pagkinahanglan sing mga Kingdom Hall”—Bahin 2. Pamulongpulong sang isa ka gulang sa mga parapo 11-19 sang suplemento.
Ambahanon 94 kag nagatakop nga pangamuyo.