Mga Miting sa Serbisyo para sa Mayo
Semana sang Mayo 2-8
10 min: Lokal nga mga pahibalo kag Mga Pahibalo gikan sa Ang Aton Ministeryo sa Ginharian.
15 min: “Padayon nga Panikasugi ang Teokratikong mga Hilikuton sa Mayo.” Mga pamangkot kag sabat.
5 min: “Kinahanglan Bala nga Pirme Ako Magbag-o?” Paghinun-anon sang duha ka gulang.
15 min: “Gamita ang mga Magasin sa Pagpaambit sang Kamatuoran.” Paghinun-anon upod sa tumalambong. Maghimos sing duha ka malip-ot nga pasundayag.
Ambahanon 128 kag nagatakop nga pangamuyo.
Semana sang Mayo 9-15
10 min: Lokal nga mga pahibalo. Palig-una ang tanan nga mangin alisto sa mga kahigayunan sa pagtigayon sing mga suskripsion.
20 min: “Ihanda ang mga Estudyante sa Biblia Para sa Ministeryo.” Mga pamangkot kag sabat. Sa parapo 4 kag 5, maghatag sing malip-ot nga pasundayag nga nagapakita kon paano buligan ang estudyante sa paghanda sa pagpanaksi sa ganhaan. Ang estudyante nagasugod paagi sa simple nga presentasyon nga nagagamit sang Salmo 37:11. Ang nagatudlo nagasaligbat, nga nagasiling, “May relihion na ako.” Indi sigurado ang estudyante kon ano ang isiling. Gintan-aw sang duha ang Reasoning nga libro, pahina 18 kag 19, kag nagpili sing sabat nga madali magamit sang estudyante. Ang estudyante nagapadayon sa paghambal kag sa paghatag sing maayo nga sabat.
15 min: Pagsakdag sa Aton Kingdom Hall. Pamulongpulong sang gulang tuhoy sa kinahanglanon nga ang tanan magabulig sa paghupot sang Kingdom Hall sa maayo nga kahimtangan. Kon may plano sa pagpatindog ukon sa pagpakay-o sang Kingdom Hall, ipakita ang kinahanglanon nga magsupot sing lokal nga pundo para sa sining katuyuan. Dapat bayaran sadtong may mga Kingdom Hall loan ang ila utang sa Sosiedad kada bulan. Repasuha ang talalupangdon nga mga punto sa seksion nga “Financing Local Places of Meeting” sa pahina 343-5 sang Jehovah’s Witnesses—Proclaimers of God’s Kingdom.
Ambahanon 139 kag nagatakop nga pangamuyo.
Semana sang Mayo 16-22
10 min: Lokal nga mga pahibalo. Report sa kwenta.
17 min: “Magbalik Kon Diin Nakita Ninyo ang Interes.” Mga pamangkot kag sabat. Ipasundayag ang isa ukon duha ka ginpanugda nga mga presentasyon.
18 min: “Pagpanginpulos sing Bug-os Gikan sa Teokratikong Eskwelahan sa Pagministro.” Pamulongpulong kag paghinun-anon upod sa tumalambong sang manugtatap sang eskwelahan.
Ambahanon 53 kag nagatakop nga pangamuyo.
Semana sang Mayo 23–29
10 min: Lokal nga mga pahibalo.
20 min: “Ginatahod Bala Ninyo ang Iban Kon Nagahatag sing Laygay?” Pamulongpulong sang gulang, pasad sa Pebrero 1, 1994, Lalantawan, pahina 25-9.
15 min: Ano ang Malain sa Pagtilaw sang mga Droga? Ginahambalan sang duha ka tin-edyer nga mga manugbantala upod sa isa ka gulang ang lapnag nga paggamit sang droga sa eskwelahan. Ginapaathag sang gulang ang mga panuytoy tuhoy sa paggamit sa mga droga sa Reasoning nga libro, pahina 106-12. Ginabasa sang mga pamatan-on ang mga kasulatan, kag ang gulang nagapangatarungan sa ila sa materyal. Ang mga pamatan-on nagahatag sang ila mga panugda tuhoy sa lainlain nga mga paagi nga mahimo nila mabatuan ang pagpamatok sang mga katubotubo.
Ambahanon 19 kag nagatakop nga pangamuyo.
Semana sang Mayo 30–Hun. 5
10 min: Lokal nga mga pahibalo. Mga Balita Teokratiko.
15 min: Repasuha ang tanyag nga literatura sa Hunyo: Life—How Did It Get Here? By Evolution or by Creation? Ipatalupangod ang makagalanyat nga mga ilustrasyon subong sang yara sa mga pahina 6, 236, 243, kag 245. Ipasundayag ang isa ka malip-ot nga presentasyon nga nagagamit sang teksto sa Bugna 21:4.
20 min: “Ang mga Payunir Nagahatag kag Nagabaton sing mga Pagpakamaayo.” Pamulongpulong pasad sa Enero 15, 1994 nga Lalantawan, pahina 21-3. Palig-una ang mga nag-auxiliary payunir sini nga tig-ilinit nga binagbinagon ang mga punto sa artikulo agod tan-awon kon makapalista na sila karon subong mga regular payunir.
Ambahanon 12 kag nagatakop nga pangamuyo.