Mga Pahibalo
◼ Tanyag nga literatura para sa Enero: Mankind’s Search for God sa ₱30.00 ukon True Peace and Security sa ₱20.00. Pebrero: Mahimu Ka Mabuhi sing Dayon sa Paraiso sa Duta, daku nga edisyon sa ₱60.00, gamay nga edisyon sa ₱30.00. Marso: Revelation—Its Grand Climax At Hand! sa ₱60.00. Abril kag Mayo: Isa ka tuig nga suskripsion sa Ang Lalantawan sa ₱80.00. PATALUPANGOD: Ang mga kongregasyon nga wala pa makaorder sang nasambit sa ibabaw nga kampanya nga mga libro dapat mag-order sa ila masunod nga binulan nga Literature Request Form (S-AB-14).
◼ Ang Enero amo ang tion sa pagbag-o sang aton Medical Directives kag Identity Cards para sa 1995. Subong man, ang tanan nga bag-ong bawtismado nga mga katapo sang kongregasyon dapat hatagan sing kard, subong man ang dibawtismado nga menor-de-edad nga mga kabataan sang Saksi nga mga ginikanan. Mahimo repasuhon sang sekretaryo ang sulat sa tanan nga mga kongregasyon nga napetsahan sing Nobiembre 1, 1991 sa kon paano sulatan ining mga kard, kag hatagan ang tanan nga nagakinahanglan sini sing mga kard. Kon kinahanglanon, mag-order sing dugang pa gikan sa Sosiedad.
◼ Ang pagsaulog sang Memoryal pagahiwaton sa Biernes, Abril 14, 1995, pagtunod sang adlaw. Bisan nga ang pamulongpulong mahimo magsugod sing temprano pa, dumduma palihug nga ang pagpasa sa tinapay kag alak sang Memoryal magasugod lamang pagtunod sang adlaw. Wala sing iban pa nga miting ang pagahiwaton sa sina nga adlaw. Ang mga miting nga ginahiwat sing kinaandan sa sina nga adlaw dapat iskedyulon sa iban nga adlaw sina nga semana. Ang mga imbitasyon sa Memoryal igapadala sa mga kongregasyon kon maimprinta.
◼ Ang pinasahi nga pamulongpulong publiko para sa 1995 igahatag sa bug-os nga kalibutan sa Domingo, Abril 23. Ang tema amo “Ang Katapusan sang Butig nga Relihion Malapit Na.” Ang balayan igaaman sa ulihi. Ang mga kongregasyon nga may pagduaw sang manugtatap sa sirkito, sirkito nga asambleya, ukon pinasahi nga adlaw sang asambleya sa sinang talipuspusan sang semana magahiwat sang ila pinasahi nga pamulongpulong pagkadason nga semana, sa Abril 30. Wala sing kongregasyon ang magahatag sing pinasahi nga pamulongpulong antes sang Abril 23.
◼ Subong sang ginsambit sang nagligad, ang Revelation nga libro pagatun-an sa tanan nga mga Cebuano, Iloko, kag Tagalog nga mga kongregasyon sugod sa semana sang Enero 30 tubtob Pebrero 5, 1995. Ang materyal igaserye sa Hiligaynon nga Magmata! para magamit sang Hiligaynon nga mga kongregasyon, sugod sa Enero 8, 1995 nga guwa.
◼ Ang Watchtower Library—1993 Edition matigayon na karon sa CD-ROM agod magamit sa mga kompyuter. Isa ini ka compact disk nga may read-only memory. Magatugot ini sa isa nga makita sa kompyuter ang bisan anong reperensia halin sa New World Translation, Insight nga mga tomo, The Watchtower (1950-93), Awake! (1980-93), Watch Tower Publications Indexes (1930-93), Our Kingdom Ministry (1970-93) kag madamong iban pa nga mga libro, bukleta, brosyur, kag tract nga ginbalhag kutob sang 1970. Ang CD-ROM nagalakip sang gindesinyo sang Sosiedad nga programa sa pagbulig sa inyo sa pagpangita sining mga publikasyon. (Tan-awa ang Awake! sang Abril 22, 1994, pahina 23.) Agod magamit ining compact disk, ginakinahanglan mga masunod: IBM PC-compatible computer nga may 80386 ukon madasig pa nga microprocessor; CD-ROM drive nga ginbutang ukon gin-angot; mininum nga duha ka megabyte sang RAM (ginarekomendar ang apat ka megabyte ang RAM); tatlo ka megabyte sang free hard disk space; VGA ukon higher resolution color ukon monochrome monitor; Windows 3.1 ukon mas bag-o, running in enhanced mode. Para sa mga may kasangkapan nga nasambit sa ibabaw, ang Watchtower Library matigayon sa ₱300.00 sa manugbantala kag payunir. Limitado lamang nga una nga suplay ang natigayon namon, apang ginapaabot namon nga madamo pa ang magaabot. Kon maubos ang una nga suplay, ipadala namon ang nabilin nga mga order kon mag-abot ang bag-ong mga suplay.
◼ Bag-ong Publikasyon nga Matigayon:
Watch Tower Publications Index 1991-1993 (Manugbantala: ₱25.00; payunir: ₱20.00)—Ingles