Mga Pahibalo
◼ Tanyag nga literatura para sa Marso: Revelation—Its Grand Climax At Hand! sa ₱60.00. Abril kag Mayo: Isa ka tuig nga suskripsion sa Ang Lalantawan sa ₱80.00. Hunyo: Life—How Did It Get Here? By Evolution or by Creation?, daku nga edisyon sa ₱60.00, gamay nga edisyon sa ₱30.00, ukon ang The Bible—God’s Word or Mans? mahimo matanyag subong tal-us sa ₱20.00. PATALUPANGOD: Ang mga kongregasyon nga wala pa makaorder sang nasambit sa ibabaw nga kampanya nga mga libro dapat mag-order sa ila masunod nga binulan nga Literature Request Form (S-AB-14).
◼ Sugod sa Abril, ang mga manugtatap sa sirkito magahatag sing pamulongpulong publiko nga natig-uluhan “Kon Ngaa Magdangop kay Jehova” kon nagaduaw sa mga kongregasyon.
◼ Dapat awditon sang nagadumala nga manugtatap ukon sang isa nga gintangdo niya ang kwenta sang kongregasyon sa Marso 1 ukon sa gilayon pagligad sini. Pahibalua ang kongregasyon kon nahimo na ini.
◼ Yadtong nagaplano sa pag-auxiliary payunir sa Abril kag Mayo dapat magsumiter sang ila mga aplikasyon sing temprano sa komite sa pag-alagad. Magabulig ini sa mga gulang nga mahibaluan kon pila ang magaauxiliary payunir sa sining pinasahi nga mga binulan agod makahimos sila sing bastante nga teritoryo kag mga suplay sang magasin.
◼ Isa pa ka release sa computer diskette ang matigayon karon: GetVerse. Ining bag-o nga programa nagatugot sa nagagamit sa pagpasulod sing mga teksto sang Biblia sing direkta sa kalabanan nga DOS word proeessors. Mapuslanon ini sa paghanda sing mga pamulongpulong ukon sa paghimo sing listahan sang mga kasulatan. Ang GetVerse matigayon lamang sa Ingles sa isa ka 5 1⁄4” 360-kilobyte ukon 3 1⁄2” 720-kilobyte nga diskette. Agod magamit ining programa, ang isa ka kopya sang New World Translation of the Holy Scriptures—With References ukon sang New World Translation of the Holy Scriptures—With References/Insight on the Scriptures dapat nga nainstalar na kag ginagamit na ninyo sa inyo kompyuter.
◼ May madamo pa kami nga suplay sang mga tomo sang Watchtower kag Awake sa Ingles para sa 1993 sa sanga talatapan. Ginapalig-on namon ang mga indibiduwal kag mga kongregasyon nga mag-order sini agod magamit sa ila teokratikong mga librarya. May suplay man kami sang tanan nga mga tomo halin sa 1960 tubtob sa 1992 nga mahimo maorder agod makompleto ang mga librarya.
◼ Luyag namon pahanumdumon ang tanan nga may istak kami sang may 8 ka cassette nga album sang libro nga The Greatest Man Who Ever Lived sa Ingles. Kaangay sang album sang Bible Stories, naluyagan ini lunsay sang mga bata kag mga tigulang kag nagabulig sa madamo nga mangin pamilyar sa kabuhi ni Jesus sang yari sia sa duta. Ang kontribusyon para sa sini ₱300.00 para sa publiko kag mga manugbantala kag ₱230.00 para sa mga payunir.