Buligi Yadtong Wala sing Pagtuo
1 Sa sining adlaw kag dag-on, nangin popular na ang tamdon subong edukado kag progresibo sing panghunahuna. Ang tawhanon nga mga pilosopiya kag himuhimo nga mga teoriya ginadayaw sing daku, samtang ang espirituwal nga mga kabilihanan ginapasapayanan. Ang sinsero nga mga tawo nga interesado sa simple nga mga katunayan kag mahangpan nga mga kamatuoran magabaton sang kahigayunan nga mausisa ang libro nga Life How Did lt Get Here? By Evolution or by Creation? Ining libro makabulig sa mga nakulangan sing pagtuo. (Roma 1:19, 20) Pat-ura nga duawon liwat ang tanan nga nagapabutyag sing interes.
2 Mahimo nimo sugdan ang inyo paghambalanay sa sining paagi:
◼ “Napat-od ko nga nahibaluan mo nga madamong edukador ang nagasakdag sa pagpati nga ang tawhanon nga panimalay nagluntad diri paagi sa ebolusyon. Nagatudlo ini nga ang tanan nga butang nagaluntad sing aksidente lamang. Ano ang imo opinyon tuhoy sina? [Pasabta sia.] Ining ideya ginapatuhuyan gihapon subong isa ka teoriya. Ang teoriya ‘isa ka pagbanabana’ ukon ‘isa ka wala mapamatud-i nga paghaumhaum.’ Sing siniglo ang mga tawo nagapati nga ang duta matapan; karon nahibaluan naton nga isa yadto ka binuang nga paghaumhaum nga wala napasad sa katunayan. Amo man bala sina ang teoriya sang ebolusyon?” Basaha ang mga komento sa introduksion sa pahina 4, kag nian ipaathag ang Isaias 42:5.
3 Ukon mahimo nimo gamiton ini nga pagpalapit sa imo pag balik:
◼ “Kinaandan na nga masugilanon ang mga tawo nga wala nagapati sa Dios. Sang nagligad nga mga tinuig, malaka lamang ina. Sa banta mo, ngaa madamo katama ang nadulaan sing pagtuo sa Dios? [Pasabta sia.] Ginapabangod sang madamo ang pagkadula sang ila pagtuo sa makahaladlok nga pagdugang sang kasingki kag kalisod sa aton kalibutan. Nagapangatarungan sila nga kon may labing gamhanan nga Dios, ngaa wala niya pagtapusa ining tanan nga pag-antos? Yadtong wala makakita sing makaalayaw nga sabat sa sinang pamangkot masunson nga nangin mga atiesta. Apang madamong ebidensia ang nagapamatuod nga ang Dios nagaluntad kag nga sa dili madugay himuon niya ang duta nga isa ka duog sang kalipay kag paghidait.” Padayuna ang paghambalanay paagi sa paggamit sang Makasulatanhon nga mga panghunahuna nga masapwan sa parapo 19 sa pahina 196.
4 Nagauyat sang imo Biblia, mahimo mo buksan ang paghambalanay paagi sa pagsiling:
◼ “Nagaduaw kami liwat agod ipakita kon ngaa ang pagtuon sa Biblia mapuslanon para sa aton tion. Ang kalabanan nga mga tawo may Biblia, apang pila lamang ang nagahinguyang sing tion agod mabasa ini. Ang iban nagasiling sa amon sing prangka nga wala na sila nagasalig sa Biblia. Ano ang imo opinyon sa sina? [Pasabta sia.] Ang isa sa mga butang nga nagahaylo sa amon nga ang Biblia gin-inspirar nga Pulong sang Dios amo ang katumanan sang mga tagna sini.” Patuhuyi ang mga teksto sa Kasulatan sa parapo 6 sa pahina 234.
5 Ining panghunahuna mahimo makatigayon sing maayo nga sabat:
◼ “Makakita kita sing matahom kag makadalayaw nga ebidensia sang kaalam sa mga butang nga. nagapalibot sa aton sa sining duta. Ining matahom nga laragway sang pagtunod sang adlaw isa ka nagakaigo nga halimbawa.” [Ipakita ang ilustrasyon sa pahina 12 kag 13.] Sambita ang mga punto gikan sa “Some Things to Think About” kag ipaathag kon paano ining libro nagahatag sing makaalayaw nga mga sabat sa kinahanglanon gid nga mga pamangkot nahanungod sa aton kalibutan.
6 Mahimo kita mangin pagpakamaayo sa iban paagi sa paggamit sining libro sa pagbulig sa ila nga makakita sing malig-on nga sadsaran sang pagtuo sa ila Manunuga.