Mga Pahibalo

◼ Tanyag nga literatura para sa Enero: Mankind’s Search for God sa ₱30.00 ukon True Peace and Security sa ₱20.00. Pebrero: Revelation—Its Grand Climax at Hand! sa ₱60.00. Marso: Bag-ong publikasyon nga ipaguwa sa distrito nga mga kombension. Abril kag Mayo: Isa ka tuig nga suskripsion sa Ang Lalantawan sa ₱120.00. PATALUPANGOD: Ang mga kongregasyon nga wala pa makapangabay sing nasambit sa ibabaw nga literatura sa kampanya dapat mangabay sini sa ila masunod nga binulan nga Literature Order Form (S-AB-14).

◼ Ang Enero amo ang tion sa pagbag-o sang aton Medical Directives kag Identity Cards para sa 1996. Subong man, ang tanan nga bag-ong bawtismado nga mga katapo sang kongregasyon dapat hatagan sing kard, subong man ang dibawtismado nga menor-de-edad nga mga kabataan sang Saksi nga mga ginikanan. Mahimo repasuhon sang sekretaryo ang sulat sa tanan nga mga kongregasyon nga napetsahan sing Nobiembre 1, 1991 sa kon paano sulatan ining mga kard, kag hatagan ang tanan nga nagakinahanglan sini sing mga kard sa Miting sa Serbisyo para sa semana sang Enero 8-14. Kon kinahanglanon, mag-order sing dugang pa gikan sa Sosiedad.

◼ Ang pagsaulog sang Memoryal pagahiwaton sa Biernes, Abril 2, 1996, pagtunod sang adlaw. Bisan nga ang pamulongpulong mahimo magsugod sing temprano pa, dumduma palihug nga ang pagpasa sa tinapay kag alak sang Memoryal magasugod lamang pagtunod sang adlaw. Wala sing iban pa nga miting ang pagahiwaton sa sina nga adlaw. Ang mga miting nga ginahiwat sing kinaandan sa sina nga adlaw dapat iskedyulon sa iban nga adlaw sina nga semana. Ang mga imbitasyon sa Memoryal igapadala sa mga kongregasyon kon maimprinta, kag pagasukton sa bili nga ₱35.00 kada 1,000 ka kopya.

◼ Ang pinasahi nga pamulongpulong publiko para sa 1996 igahatag sa bug-os nga kalibutan sa Domingo, Abril 21, 1996. Ang tema amo ang “Pagpabilin nga Walay Kasawayan sa Tunga sang Malaut nga Kaliwatan.” Ang balayan igaaman sa nagakaigo nga tion. Ang mga kongregasyon nga may pagduaw sang manugtatap sa sirkito, sirkito nga asambleya, ukon pinasahi nga adlaw nga asambleya sa sinang talipuspusan sang semana magahiwat sang ila pinasahi nga pamulongpulong pagkadason nga semana, sa Abril 28. Wala sing kongregasyon ang magahatag sing pinasahi nga pamulongpulong antes sang Abril 21.

◼ Ginpadala namon kasan-o lang ang apat ka kopya sang bag-ong Watch Tower Publications List sa kada kongregasyon. Ang isa ka kopya para sa sekretaryo, ang isa para sa alagad sa kwenta, kag ang tig-isa ka kopya para sa nagauyat sing literatura kag mga magasin. Usisaa ini palihug sing maayo kag talupangda ang pagtaas sang mga presyo sa pinili nga special-request items subong sang de-luxe nga mga Biblia, dalagkung letra nga mga Biblia, mga kalendaryo, kag mga audiocassette.