Mga Pahibalo

◼ Tanyag nga literatura sa Disiembre: New World Translation sa Ingles ukon Ang Banal na Kasulatan upod sang The Bible​—God’s Word or Man’s? sa ₱100.00. Enero: Magamay nga Mabuhi sing Dayon nga libro sa ginpanubuan nga amot nga ₱20.00. (Tan-awa ang Pahibalo sang Oktubre nga Ang Aton Ministeryo sa Ginharian.) Pebrero: Life​—How Did It Get Here? By Evolution or by Creation?, daku nga edisyon sa ₱60.00, gamay nga edisyon sa ₱30.00. Sa wala nagahambal sing Ingles nga mga teritoryo, ang magamay nga Mabuhi sing Dayon nga libro dapat itanyag sa ginpanubuan nga amot nga ₱20.00. Marso: Bag-ong publikasyon nga ipaguwa sa distrito nga kombension. PATALUPANGOD: Ang mga kongregasyon nga wala pa makapangabay sing ginhinambitan sa ibabaw nga kampanya nga mga publikasyon dapat mangabay sini sa ila masunod nga binulan nga Literature Order Form (S-AB-14).

◼ Ang nagadumala nga manugtatap ukon ang isa nga gintangdo niya dapat mag-awdit sang kuwenta sang kongregasyon sa Disiembre 1 ukon sa gilayon pagligad sini. Pahibalua ang kongregasyon kon nahimo na ini.

◼ Importante para sa tanan nga manugbantala nga maghimo sing pat-od nga mga kahimusan sa pagpakigbahin sa pag-alagad sa latagon sa maaga nga bahin sang Disiembre. Kon, bangod sang pagtambong sa kombension ukon pagbakasyon, wala ka sa inyo kongregasyon sa katapusan sang Disiembre, pat-ura nga ihatag sa sekretaryo ang imo report antes ka maglakat. Paagi sa pagkamahunahunaon sang tanan nga mahatag ang ila report sing husto sa tion, may kompleto kita nga report para sa Disiembre.

◼ Sanglit ang distrito nga kombension sini nga tuig tatlo ka adlaw lamang, indi kinahanglan nga kanselahon ang Pagtinuon sa Libro sang Kongregasyon sa semana sang kombension.

◼ Mga Amot sa Distrito nga Kombension: Luyag namon pahanumdumon ang tagsatagsa nga ang tanan nga kagastuhanan sa kombension, lakip na ang arkila sang mga pasilidad, pagpatindog sing entablado, kag ang gin-aman nga public address systems, ginasuportahan sa kabilugan sang inyo boluntaryo nga mga amot. Nahibaluan namon nga pirme ini dumdumon sang tanan nga nagatambong. Ang mga amot mahimo mahulog sa mga kahon-alamutan nga gin-aman sa mga kombension.​—Tan-awa ang parapo 13 sang suplemento sang Nobiembre, 1996 nga Ang Aton Ministeryo sa Ginharian.

◼ Tuigan nga Teksto sa 1997: Ang tuigan nga teksto para sa 1997 ginkuha sa Salmo 143:​10: “Tudlui ako sa paghimo sang imo kabubut-on.” Ang tanan nga kongregasyon dapat maghimo sing kahimusan nga itakod ining bag-ong teksto sa ila mga Kingdom Hall sa Enero 1, 1997.

◼ Pagtadlong: Sang Agosto, 1996 nga Ang Aton Ministeryo sa Ginharian ang presyo nga ₱20.00 nga ginhatag para sa 1997 nga kalendaryo sayop. Dapat nga ₱25.00 ini. Pat-ura palihug nga ang mga kauturan magahatag sini nga kantidad, kay amo sini ang sukton sa kongregasyon.

◼ Bag-ong Compact Disc nga Matigayon:

Kingdom Melodies on Compact Disc, Tomo 1. (Amo ini ang nahauna sa walo ka Compact Disc kag nagaunod ini sing pareho nga musika sa Kingdom Melodies No. 1 sa audiocassette. Ang amot para sa mga manugbantala kag mga payunir ₱90.00.)