Mga Miting sa Serbisyo sa Disiembre
PATALUPANGOD: Ang Aton Ministeryo sa Ginharian magaiskedyul sing Miting sa Serbisyo para sa kada semana sa Disiembre kag Enero. Ang mga kongregasyon sarang makahimo sing mga pagpasibu para makatambong sa “Mga Mensahero sang Diosnon nga Paghidait” nga Distrito nga Kombension kag nian para sa 30-minutos nga repaso sang talalupangdon nga mga bahin sang programa sa Miting sa Serbisyo pagkadason nga semana. Ang repaso sa adlaw-adlaw nga programa sang kombension dapat itangdo sing abanse sa duha ukon tatlo ka sangkol nga utod nga lalaki nga magakonsentrar sa talalupangdon nga mga punto. Ini nga repaso magabulig sa kongregasyon sa pagdumdom sang pangunang mga punto para maaplikar sing personal kag para magamit sa latagon. Ang mga komento gikan sa tumalambong kag ang mga eksperiensia nga ginsaysay dapat malip-ot kag direkta sa punto.
Semana sang Disiembre 2-8
Ambahanon 134
10 min: Lokal nga mga pahibalo kag Mga Pahibalo gikan sa Ang Aton Ministeryo sa Ginharian. Hatagi sing pinasahi nga pagpadaku ang ikatlo nga pahibalo sa pahina 7 nahanungod sa pagpat-od nga ang mga report sa Disiembre mahatag antes makalakat para sa distrito nga kombension.
15 min: “Sin-o ang Mamati sa Aton Mensahe?” Pamangkot kag sabat.
20 min: “Ang Pulong sang Dios Nagahatag sing Panuytoy.” (Parapo 1-6) Sugdan ang bahin paagi sa mga parapo 1 kag 2. Ipapasundayag sa sangkol nga mga manugbantala ang ginpanugda nga mga presentasyon sa parapo 3-6. Agdaha ang tumalambong sa pagkomento sa (1) kon paano ang pamangkot nga ginpautwas makabulig sa pagpukaw sing interes, (2) kon paano ang mga kasulatan nga gingamit nagakaigo sa tema nga ginhambalan, (3) kon paano ang pagduaw liwat makatarunganon nga nagapadayon sang nahaunang paghambalanay, kag (4) kon paano gintanyag ang isa ka pagtuon.
Ambahanon 75 kag nagatakop nga pangamuyo.
Semana sang Disiembre 9-15
Ambahanon 100
10 min: Lokal nga mga pahibalo. Report sa kuwenta.
15 min: Pagbulig sa mga Tigulang sa Pagpakigbahin sa Pag-alagad. Madamong matutom nga tigulang nga manugbantala ang malangkagon nga nagahandum nga makigbahin sa pagbantala upod sang kongregasyon, apang may pisikal sila nga mga limitasyon bangod sang edad kag mapigaw nga panglawas. May mga paagi nga mapakitaan naton sila sing patugsiling agod makaupod sila sa grupo sang pag-alagad: Magtanyag sing transportasyon; maghimo sing kahimusan agod makaduaw sila sa mga puluy-an diin diutay lamang nga mga hagdanan ang sakaon; tugutan sila nga makapahuway kon makapoy sila; kon may salakyan ka, idul-ong sila sa ila mga pagduaw liwat; pahibalua sila nga idul-ong mo sila pauli kon sa pamatyag nila indi na sila makapadayon. Ang mga tigulang nagapasalamat sa bulig nga ginahatag sa ila. Hinambiti ang iban pa nga mga paagi nga mapakita mo ini nga patugsiling sing lokal. Repasuha ang pangunang mga punto sa artikulo “Ginaapresyar Naton ang mga Tigulang!” nga makita sa Pebrero 1, 1986, Lalantawan, pahina 28-9.
20 min: “Ang Pulong sang Dios Nagahatag sing Panuytoy.” (Parapo 7-9) Magkomento sa “Kinahanglan ang Tuytoy” sa Mayo 1, 1993, Lalantawan, pahina 3. Ipaathag kon ngaa dapat ipadaku sang aton mga presentasyon ang importansia sang pagpangayo sing bulig gikan sa mas mataas nga Tuburan—ang Dios. Ipapasundayag sa manugbantala ang mga presentasyon sa parapo 7-8. Ipadaku nga ang aton tulumuron amo sa ulihi ang pagsugod sing pagtuon sa Biblia sa Ihibalo nga libro.
Ambahanon 197 kag nagatakop nga pangamuyo.
Semana sang Disiembre 16-22
Ambahanon 209
10 min: Lokal nga mga pahibalo. Magtanyag sing pila ka panugda sa kon paano sabton sing mataktikanhon ang mga panamyaw sa Krismas. Ibalay ang pinasahi nga mga kahimusan sa pag-alagad sa latagon para sa Disiembre 25.
10 min: “Bag-ong Programa sang Sirkito nga Asambleya.” Pamangkot kag sabat. Repasuha ang mga kapuslanan sang nagligad nga mga sirkito nga asambleya kag palig-una ang kapagsik para sa mga serye sa 1997.
25 min: “Pagkasadya sa Pag-uswag nga Ginahatag sang Dios.” Mapagsik nga pamulongpulong sang gulang. Magsugid sing mga eksperiensia ukon ebidensia sang pag-uswag sa mga pungsod nga ginrepresentar, subong sang ginhatag sa ulihing mga Yearbook.
Ambahanon 41 kag nagatakop nga komento.
Semana sang Disiembre 23-29
Ambahanon 93
10 min: Lokal nga mga pahibalo. Ipakita ang pila ka mga punto nga mahambalan sa bag-ong mga magasin nga sarang magamit sa pag-alagad sini nga semana. Ibalay ang pinasahi nga mga kahimusan sa pag-alagad sa latagon para sa Enero 1.
15 min: Lokal nga mga kinahanglanon. Ukon, ang isa ka gulang magapamulongpulong tuhoy sa “Pagretiro—Isa Bala ka Bukas nga Ganhaan Padulong sa Teokratikong Hilikuton?” gikan sa Hulyo 15, 1996, Lalantawan, pahina 24-5.—Tan-awa ang Insight, Tomo 2, pahina 794, parapo 2-3.
20 min: “Pagpalista sa Teokratikong Eskwelahan sa Pagministro.” Pamulongpulong sang manugtatap sang eskwelahan. Ihatag ang estadista sang lokal nga mga estudyante, kag palig-una ang tanan nga makasarang sa pagpalista. Repasuha ang mga instruksion para sa mga asaynment sang estudyante nga ginhatag sa “Iskedyul sang Teokratikong Eskwelahan sa Pagministro Para sa 1997.”
Ambahanon 166 kag nagatakop nga pangamuyo.
Semana sang Dis. 30–Ene. 5
Ambahanon 223
10 min: Lokal nga mga pahibalo.
20 min: “Ikaw Bala Isa ka Timbang nga Payunir?” Pamulongpulong sang gulang pasad sa artikulo sa Mayo 15, 1996, Lalantawan, pahina 29-31.
15 min: Repasuha ang Tanyag nga Literatura sa Enero. Itanyag ang magamay nga Mabuhi sing Dayon nga libro sa ginpanubuan nga amot nga ₱20.00. Isa ini ka ekselente nga libro nga itanyag sa mga tawo. Ipakita ang pila sang mga punto nga mahambalan kag mga ilustrasyon nga sarang magamit. Ginagamit ang Reasoning nga libro, pahina 9-14, repasuha sa malip-ot ang nagakaigo nga mga introduksion. Ipasundayag ang isa ukon duha ka presentasyon.
Ambahanon 137 kag nagatakop nga pangamuyo.