Mga Miting Sa Serbisyo Para Sa Marso
Semana sang Marso 3-9
Ambahanon 53
10 min: Lokal nga mga pahibalo kag Mga Pahibalo gikan sa Ang Aton Ministeryo sa Ginharian. Palig-una ang tanan nga sugdan na ang pag-agda sa mga interesado sa Memoryal sa Marso 23. Ipakita ang isa ka kopya sang imbitasyon sa Memoryal, kag palig-una ang tanan nga magkuha sing suplay kag magsugod sa pagpanagtag sini karon nga semana.
15 min “ ‘Pabakura ang Inyo Panimalay.’ ” Pamangkot kag sabat. Ilakip ang mga eksperiensia gikan sa 1995 Yearbook, pahina 228.
20 min: “Pagbulig sa mga Pamilya Agod Mapat-od ang Isa ka Dayon nga Palaabuton.” (Parapo 1-5) Komentuhi sing malip-ot ang parapo 1, kag nian hambali kon paano pukawon ang interes sa Kalipay sa Pamilya nga libro paagi sa paggamit sa mga titulo sang kapitulo, mga ilustrasyon, kag mga kahon sa repaso. Ipapasundayag sa sangkol nga mga manugbantala ang mga presentasyon sa parapo 2-5. Palig-una ang tanan nga panikasugan sing pinasahi nga mapahamtang ang libro sa mga pamilya nga nagpakita anay sing interes.
Ambahanon 71 kag nagatakop nga pangamuyo.
Semana sang Marso 10-16
Ambahanon 56
10 min: Lokal nga mga pahibalo. Report sa kuwenta. Pahanumduma ang tanan nga pat-uron nga sundon ang pagbasa sa Biblia para sa Memoryal nga gin-iskedyul sa Marso 18-23.
20 min: “Magmapinasalamaton Kamo.” Pamangkot kag sabat. Ang tanan dapat manikasog sing hanuot nga agdahon ang mga estudyante sang Biblia, mga interesado, mga katapo sang pamilya, kag ang bisan sin-o sa mga kauturan nga indi na aktibo nga nagapakig-upod sa kongregasyon nga magtambong sa Memoryal. Palig-una ang tanan nga makasarang sa pag-auxiliary payunir sa Abril kag Mayo.
15 min: “Pagbulig sa mga Pamilya Agod Mapat-od ang Isa ka Dayon nga Palaabuton.” (Parapo 6-8) Maghatag sing pila ka panugda nga nagapakita kon paano matanyag ang Kalipay sa Pamilya nga libro kon nagapanaksi sing di-pormal sa trabaho, sa eskwelahan, sa parke, ukon sa publiko nga transportasyon, subong man kon nagaduaw sa mga himata. Ipapasundayag sa isa ka sangkol nga manugbantala ang mga presentasyon sa parapo 6 kag 7. Dapat himuon ang pagtuon sa brosyur nga Ano ang Ginapatuman sang Dios sa Aton?, upod ang tulumuron nga magliton sa Ihibalo nga libro, ukon ang pagtuon mahimo sugdan sa Ihibalo nga libro mismo.
Ambahanon 72 kag nagatakop nga pangamuyo.
Semana sang Marso 17-23
Ambahanon 63
15 min: Lokal nga mga pahibalo. Repasuha ang “Mga Pahanumdom sa Memoryal,” kag ihatag ang lokal nga mga kahimusan sa Memoryal. Ang tanan dapat maghimo sing katapusan nga mga plano agod buligan ang mga estudyante sa Biblia kag mga interesado sa pagtambong.
15 min: Lokal nga mga kinahanglanon. Ukon pamulongpulong sang isa ka gulang sa artikulo nga “Ikaw Bala May Diosnon nga Pagtamod sa Alkoholiko nga mga Ilimnon?” gikan sa Disiembre 15, 1996, Lalantawan, pahina 25-9.
15 min: Gamita sing Maayo ang 1997 Yearbook of Jehovah’s Witnesses. Ginarepaso sang amay ang talalupangdon nga mga punto nga ginatuptupan sa pahina 3-9 upod sa iya pamilya. Ginpakita kon ngaa may rason gid kita sa pagkasadya nga makita ang teokratikong mga pag-uswag sa bug-os nga kalibutan. Ginapaathag sang amay kon paano, sa masunod nga tuig, makahinguyang sila sing pila ka minuto kada adlaw sa tion sang pagkaon agod mabasa sing amat-amat ang Yearbook subong man mabinagbinag ang adlaw-adlaw nga teksto.
Ambahanon 75 kag nagatakop nga pangamuyo.
Semana sang Marso 24-30
Ambahanon 67
5 min: Lokal nga mga pahibalo. Ipaathag nga indi pa ulihi agod magsumiter sing aplikasyon para sa pag-auxiliary payunir sa Abril. Pahanumduma ang tanan sa pagtambong kag agdaha ang mga interesado sa pinasahi nga pamulongpulong publiko nga “Mangin Matinlo sa Kalibutanon nga mga Kahigkuan” sa pahina 6.
28 min: “Magtipon sing Kasidla sa Paghimo sing mga Pagduaw Liwat.” (Parapo 1-20) Pamangkot kag sabat. Ipasundayag sing malip-ot ang parapo 16.
12 min Pagbulig sa Isa ka Bag-ong Manugbantala nga Makasugod. Repasuha ang parapo 19 sang suplemento sa Hunyo 1996 nga Ang Aton Ministeryo sa Ginharian. Ipasundayag kon paano ginahanda sang isa ka sangkol nga manugbantala ang estudyante sa Biblia nga bag-o lang maaprobahan sang mga gulang nga mangin di-bawtismado nga manugbantala. Ginarepaso nila ang Aton Ministeryo nga libro, pahina 111, parapo 2. Ginapaathag sang eksperiensiado nga manugbantala kon ano ang masumalang kon nagapanaksi sa pamalaybalay apang indi dapat maluyahan sing buot kon ang kalabanan wala nagapamati. Magsugid sing isa ka makapalig-on nga eksperiensia nga nagapakita sang kalipay nga matigayon kon makakita sing isa ka sinsero nga tawo nga magapamati. Sing magkaupod nagahanda sila sing isa ka malip-ot, simple nga presentasyon sa magasin kag nian nagaensayo sini.
Ambahanon 89 kag nagatakop nga pangamuyo.
Semana sang Marso 31–Abril 6
Ambahanon 70
15 min: Lokal nga mga pahibalo. Ipahibalo ang ngalan sang tanan nga magaauxiliary payunir sa Abril. Repasuha ang “Pamangkot.”
20 min: “Magtipon sing Kasidla sa Paghimo sing mga Pagduaw Liwat.” (Parapo 21-35) Pamangkot kag sabat. Repasuha ang kahon sa pahina 3.
10 min: Repasuha ang Tanyag nga Literatura sa Abril. Magtanyag sing mga suskripsion kag indibiduwal nga mga kopya sang Ang Lalantawan kag Magmata! Repasuha sa malip-ot ang mga panugda kon paano maghanda sing mga presentasyon sa parapo 3, 4, kag 8 sa pahina 8 sang Oktubre 1996 nga Ang Aton Ministeryo sa Ginharian. Ipapasundayag sa duha ka manugbantala ang isa ukon duha ka malip-ot nga presentasyon. Ang mga manugbantala dapat maghupot sing rekord sang mga nagbaton sing mga magasin kag idugang sila sa ila ruta sang magasin.
Ambahanon 92 kag nagatakop nga pangamuyo.