Mga Pahibalo

◼ Tanyag nga literatura sa Marso: Ang bag-ong libro nga Ang Sekreto sang Kalipay sa Pamilya sa ₱20.00. Abril kag Mayo: Isa ka tuig nga suskripsion sa Ang Lalantawan sa ₱120.00. Hunyo: Ang Ihibalo nga Nagadul-ong sa Kabuhi nga Walay Katapusan sa ₱20.00. PATALUPANGOD: Ang mga kongregasyon nga wala pa makapangabay sing ginhinambitan sa ibabaw nga kampanya nga publikasyon dapat mangabay sini sa ila masunod nga binulan nga Literature Order Form (S-AB-14).

◼ Sugod sa Abril, ang mga manugtatap sa sirkito magahatag sing pamulongpulong publiko nga natig-uluhan sing “Sin-o ang Kaangay kay Jehova nga Aton Dios?” kon nagaduaw sa mga kongregasyon.

◼ Ang nagadumala nga manugtatap ukon ang isa nga gintangdo niya dapat mag-awdit sang kuwenta sang kongregasyon sa Marso 1 ukon sa gilayon pagligad sini. Pahibalua ang kongregasyon kon ini natapos na.

◼ Bilang paghanda sa Memoryal sa Marso 23, ang tanan ginapalig-on nga sundan ang iskedyul sa pagbasa sa Biblia para sa Marso 18-23. Ang iskedyul makita sa 1997 Calendar kag sa Pag-usisa sa Kasulatan sa Adlaw-adlaw​—⁠1997.

◼ Bag-ong Publikasyon nga Matigayon:

Watch Tower Publications Index 1986-1995 (Manugbantala: ₱110.00; Payunir: ₱80.00)​—⁠Ingles

◼ Bag-ong Videocassette nga Matigayon:

Jehovah’s Witnesses Stand Firm Against Nazi Assault (Isa ka 78-minutos nga video nga nagareport sang paghingabot sang mga Nazi sa mga Saksi ni Jehova; Manugbantala: ₱300.00; Payunir: ₱240.00)​—⁠Ingles

◼ Bag-ong Audiocassette nga Matigayon:

What Does God Require of Us? sa audiocassette (Manugbantala: ₱55.00; Payunir: ₱45.00)​—⁠Ingles