Mga Pahibalo
◼ Tanyag nga literatura sa Marso: Itanyag ang Ihibalo nga libro sa kontribusyon nga ₱25.00. Kon ang mga tagbalay nakakuha na sini nga libro, mahimo ninyo matanyag ang Kalipay sa Pamilya nga libro sa amo man nga kontribusyon. Abril & Mayo: Isa ka tuig nga suskripsion sa Lalantawan sa ₱120.00. Hunyo: Diin man sa Pinakabantog nga Tawo nga libro sa ₱75.00 ukon Mankind’s Search for God sa ₱40.00. PATALUPANGOD: Ang mga kongregasyon nga wala pa makapangabay sing ginhinambitan sa ibabaw nga kampanya nga publikasyon dapat mangabay sini sa ila masunod nga binulan nga Literature Order Form (S-AB-14).
◼ Ang nagadumala nga manugtatap ukon ang isa nga gintangdo niya dapat mag-awdit sang kuwenta sang kongregasyon sa Marso 1 ukon sa gilayon pagligad sini. Pahibalua ang kongregasyon kon ini natapos na.
◼ Sugod sa Abril, ang mga manugtatap sang sirkito magahatag sing pamulongpulong publiko nga natig-uluhan “Magsalig sa Ikasarang ni Jehova sa Pagluwas” kon nagaduaw sa mga kongregasyon.
◼ May madamo kami nga suplay sang audiocassette sang Ingles nga Ginapatuman nga brosyur. Mapuslanon ini sa pagtudlo sa mga anak ukon sa mga nabudlayan sa pagbasa. Makalilipay man ini nga pamatian sa balay. Ang kontribusyon sa sini ₱60.00 kag ang bili sa payunir ₱55.00.
◼ Bangod sang pagnubo sang bili sang pisos, ang tanan nga prisyo sang literatura magasaka sugod sa Marso 1, 1998. Mga literatura lamang ang maapektuhan sini; ang bili sang magasin kag suskripsion indi pagsakaan. Apat ka kopya sang bag-ong Watch Tower Publications List nga nagapakita sang bag-ong mga bili ang ipadala sa kada kongregasyon sa lainlain nga panghapin. Isa ka kopya kada isa ang ihatag sa literature servant, magazine servant, kag account servant, kag isa ka kopya ang ibilin sa file sang kongregasyon. Palihug gisia ang tanan nga daan nga mga edisyon sang Watch Tower Publications List agod indi magumon.
◼ Sadtong Enero 1, 1998 isa ka Special Literature Inventory nga porma ang ginpadala sa kada kongregasyon lakip ang isa ka sulat nga nagapaathag tuhoy sini sa Hubon sang mga Gulang. Palihug sulati sing kompleto ining porma sa Pebrero 28 pagkatapos maisip sing aktuwal ang tanan nga literatura sa talaguan, kag ibalik ang isa ka kopya sa Sosiedad nga indi maglampas sa Marso 6. Kon mabaton sang sanga talatapan ining mga porma, sukton sang Sosiedad ang kulang sa bili sang mga literatura sa inyo talaguan sang Pebrero 28, 1998.
◼ Ang mga manugbantala nga maluyag mag-auxiliary payunir sa Abril kag Mayo dapat na karon magplano kag maghatag sing maaga sang ila aplikasyon. Makabulig ini sa mga gulang sa paghimo sing kinahanglanon nga mga kahimusan sa pag-alagad sa latagon kag sa pagtigayon sing nagakaigo nga mga magasin kag iban pa nga mga literatura. Ang mga ngalan sang tanan nga naaprobahan sa pag-auxiliary payunir ipahibalo sa kongregasyon.