Mga Miting Sa Serbisyo Para Sa Oktubre
Semana Sang Oktubre 5-11
Ambahanon 199
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian.
15 min: “Karon Na ang Tion.” Pamangkot kag sabat. Ihatag ang pila ka praktikal nga lokal nga tulumuron kag ipakita kon paano ini malab-ot.
20 min: “ ‘Pagsab-ug Sing Binhi Sang Ginharian’ sa mga Ruta sa Magasin.” Paghinun-anon sang tumalambong. Ipasaysay sa pila kon paano nila nasugdan kag ginpadayon ang isa ka ruta sa magasin. Pagkatapos sina ipasundayag ang isa ka presentasyon sa magasin diin ginahimo ang mga kahimusan sa pagbalik nga dala ang masunod nga mga guwa.
Ambahanon 133 kag nagatakop nga pangamuyo.
Semana Sang Oktubre 12-18
Ambahanon 42
5 min: Lokal nga mga pahibalo. Report sa kuwenta.
10 min: “Mga Manugtatap nga Nagapanguna—Ang Sekretaryo.” Pamulongpulong sang sekretaryo sang kongregasyon, ginarepaso ang iya gintangdo nga mga katungdanan. Ginapadaku niya nga ang tanan sarang makakooperar paagi sa paghatag sing maaga sang ila mga report sa pag-alagad sa latagon.
10 min: May Yara Sila Mapagsik nga Espiritu Sang Pagpayunir. Isa ka makapalig-on nga pamulongpulong pasad sa 1998 Yearbook, pahina 104-7. Ipaathag kon ngaa tuman kadamo ang mga payunir sa Japan, kon ano ang nakabulig sa mga ginang sang puluy-an didto agod unahon ang espirituwal nga intereses, kon ano ang sa likod sang tagsa ka aplikasyon sa pagpayunir, kag kon sin-o ang kalabanan nga nagapayunir. Ipakita ang maayo nga epekto nga mahatag sang mga ginikanan nga nagapayunir. Ipatalupangod ang ginakinahanglan nga pagtuo agod makahimo sing kinahanglanon nga mga pagbag-o sa kabuhi agod makapayunir. Palig-una ang tanan nga binagbinagon liwat sing maayo kag sing mapangamuyuon ang ila mga higayon nga makapayunir.
20 min: “Ginabasa Mo Bala ang mga Magasin?” Pamangkot kag sabat. Repasuha ang praktikal nga mga panugda sa pag-iskedyul sing tion para sa personal nga pagbasa nga masapwan sa School Guidebook, study 4, parapo 5-6.
Ambahanon 107 kag nagatakop nga pangamuyo.
Semana Sang Oktubre 19-25
Ambahanon 16
10 min: Lokal nga mga pahibalo. Repasuha ang mga punto nga mahambalan sa pinakabag-o nga mga guwa sang mga magasin. Isaysay ang mga eksperiensia gikan sa 1997 Yearbook, pahina 45, kag Oktubre 22, 1996, Awake!, pahina 32. Palig-una ang tanan nga makigbahin sa pagpanagtag sing mga magasin sining talipuspusan sang semana.
15 min: Lokal nga mga kinahanglanon.
20 min: Kon Paano Maghanda Para sa Pagtinuon sa Lalantawan. Paghinun-anunon sa tumalambong nga ginadumalahan sang konduktor sa Pagtinuon sa Lalantawan, pasad sa Mayo 15, 1986, Lalantawan, pahina 19-20, parapo 16-18 kag School Guidebook, study 7, parapo 11, kag study 18, parapo 4-6. Mangabay sing komento sa masunod nga mga pamangkot: (1) Ngaa kinahanglan nga matigayon naton ang pinakadaku nga benepisyo gikan sa tagsa ka guwa sang Ang Lalantawan? (2) Ano ang dapat naton himuon kon mabaton naton ang bag-o nga guwa? (3) Ano ang isa ka maayong paagi sa paghanda para sa Pagtinuon sa Lalantawan? (4) Anong igtalupangod ang dapat ihatag sa ginsambit nga mga kasulatan kag sa tema sang ginatun-an? (5) Paano naton marepaso ang natun-an naton? (6) Anong yabi nga mga punto ang dapat naton pamalandungan kon ginahinakpan naton ang aton personal nga pagtuon sa leksion? (7) Paano kita dapat maghanda sing komento? (8) Paano mahatag ang lainlain nga mga komento sa isa ka pamangkot? Ipasaysay sa iban ang ila personal nga ginahimo nga nakabulig sa ila nga matigayon ang pinakadaku nga kapuslanan gikan sa Pagtinuon sa Lalantawan.—Tan-awa man ang Organisado sa Pagtuman sang Aton Ministeryo, pahina 65-7.
Ambahanon 95 kag nagatakop nga pangamuyo.
Semana Sang Okt. 26–Nob. 1
Ambahanon 98
10 min: Lokal nga mga pahibalo. Ilista ang daan nga mga publikasyon nga yara sa talaguan sang kongregasyon kag sarang matanyag sa ministeryo kon may higayon. Sanglit may mga bakasyon sa Nobiembre kag Disiembre, mangin maayo ini nga tion para makaauxiliary payunir ang bawtismado nga mga pamatan-on kag ang iban pa.
20 min: Diosnon nga Pagkamatinumanon sa Isa ka Nabahinbahin sa Relihion nga Pamilya. Pamulongpulong pasad sa Hunyo 1, 1995, Lalantawan, pahina 26-9. Maghatag sing maayo nga pagpalig-on kag laygay nga makabulig sa sadtong may ditumuluo nga mga tiayon nga huptan ang positibo nga panimuot kag makapakig-upod sing aktibo sa kongregasyon.
15 min: Pagkadto sa mga Miting Sing Husto sa Oras. Paghambalanay sang duha ukon tatlo ka konduktor sa Pagtinuon Sang Kongregasyon sa Libro ukon mga ministeryal nga alagad tuhoy sa problema sang pag-abot nga ulihi sa mga miting. Ginabaton nila nga bangod sang dikinaandan nga mga kahimtangan, lakip na ang mga emerhensia, paniempo, trapiko, kag iban pa, ang isa mahimo maulihi. Apang, ang pila kinabatasan na nga nagakaulihi. Sa positibo nga paagi, hambalan kag ipaathag sang grupo kon ano ang kinahanglan agod mangin husto sa oras: (1) bug-os tagipusuon nga pagpabalor sa pribilehiyo nga makatambong sa mga miting kag sa espirituwal nga pagkaon kag paghiliupod nga ginahatag diri, (2) maayong abanse nga paghanda kag paghimos sa personal nga mga hilikuton, (3) kinabubut-on nga kooperasyon sang mga katapo sang pamilya, (4) paghalin sa balay sing temprano kag paghatag sing tion para sa wala ginapaabot nga mga problema, kag (5) pagkabalaka gid nga indi matublag ang iban nga tumalambong. Ang tanan nagaugyon nga ining problema tuhoy sa pag-abot sing ulihi sarang malubad paagi sa paghimo sing mapinadayunon nga panikasog sa pag-uswag.
Ambahanon 86 kag nagatakop nga pangamuyo.