Miting sa Serbisyo Para sa Nobiembre
PATALUPANGOD: Sanglit ang tanan nga kongregasyon sa Pilipinas magahiwat sing pinasahi nga miting sa serbisyo sa semana sang Nobiembre 8 agod ipaathag ang bag-o nga kahimusan sa pagpanagtag sang mga literatura kag mga magasin, ang materyal sa ubos para sa sina nga semana mahimo lamang basahon sing indibiduwal sang mga manugbantala.
Semana sang Nobiembre 1
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian.
15 min: “Ang Pagbantala Nagapakilala sa Aton nga Tuhay.” Pamangkot-kag-sabat nga paghinun-anon. Nagagamit sing Ihibalo nga libro, pahina 173, parapo 8, isaysay sa malip-ot kon ano ang mahimo naton isiling agod palig-unon ang estudyante sa Biblia sa pagpakigbahin sa ministeryo.
20 min: “Sin-o ang Mahimo nga Magabaton Sing Pagtuon sa Biblia?” Pamulongpulong kag mga pasundayag. Nahisuno sa parapo 4, magpanugda sing nagkalainlain nga mga paagi agod pukawon ang interes nga hibaluon kon ano ang kaundan sang aton mga publikasyon. Maghatag sing duha ka malip-ot nga pasundayag nga nagapakita kon paano ini mahimo nga himuon.
Ambahanon 198 kag nagatakop nga pangamuyo.
Semana sang Nobiembre 8
10 min: Lokal nga mga pahibalo.
15 min: “Pamangkot.” Isa ka pamulongpulong.
20 min: “Ano ang Isiling Ninyo sa Isa ka Muslim?” Pamangkot kag sabat. Ipadaku ang pagkinahanglan sing paghantop kon nagapakigsugilanon sa mga tawo nga may iban nga mga kultura. Ipasundayag ang nahanda sing maayo nga presentasyon. Para sa dugang nga impormasyon tuhoy sa Islam, tan-awa ang Reasoning nga libro, pahina 23-4; kag ang Mankind’s Search for God, kapitulo 12.
Ambahanon 208 kag nagatakop nga pangamuyo.
Semana sang Nobiembre 15
5 min: Lokal nga mga pahibalo. Report sa kuwenta.
20 min: “1999-2000 ‘Matagnaon nga Pulong Sang Dios’ nga Distrito nga mga Kombension.” Pamangkot-kag-sabat nga paghinun-anon sang parapo 1-14. Ipadaku ang pagkaimportante sang pagsunod sa panuytoy sang Sosiedad nga magdala sing balon sa kombension kada adlaw.
20 min: Mga Ginikanan—Nagadumala Bala Kamo Sing Regular nga Pagtuon Sang Pamilya? Pamulongpulong kag paghinun-anon sa tumalambong. Ipaathag kon ngaa ang mga pamilya kinahanglan nga magtuon sing tingob. (Tan-awa ang School Guidebook, pahina 37-8.) Hatagi sing igtalupangod ang masunod nga mga balagbag sa pagtuon sang pamilya: (1) nagabatyag nga ang mga kabataan bata pa kaayo agod makabenepisyo, (2) nagahunahuna nga ang pagtambong sa mga miting tuman na, (3) nakapoy bangod sang masako nga mga iskedyul, kag (4) naupangan bangod sang pagtan-aw sing telebisyon. (Tan-awa ang Mayo 15, 1994, Lalantawan, pahina 11-12.) Agdaha ang mga ulo sang pamilya sa pagsugid kon paano nila nalandas ang mga sablag sa paghupot sing maayo nga rutina sang pagtuon sang pamilya.
Ambahanon 217 kag nagatakop nga pangamuyo.
Semana sang Nobiembre 22
10 min: Lokal nga mga pahibalo kag mga eksperiensia sa pag-alagad sa latagon. Subong man, repasuha ang artikulo nga “Tan-awa ang Puwersa Sang Biblia!”
15 min: Ano ang Imo Panimuot sa mga Asaynment? Pamulongpulong sang isa ka gulang. Madamo sing hilikuton ang kinahanglan himuon agod padayon nga magpanghikot ang kongregasyon: paghanda sing mga asaynment sa programa; pagsugat sa iban pakadto sa mga miting ukon pag-upod sa ila sa pag-alagad; pagbulig sa mga tigulang; kag pagtinlo, pagkay-o, kag pag-atipan sa Kingdom Hall. Ano ang imo reaksion kon ginapangabay ka sa pagbulig? Ang iban mahimo magbalibad, magpasugot sing may pangalag-ag, ukon mapaslawan sa pagtapos sini. Ipaathag kon ngaa ang pagbaton kag pagtuman sa mga asaynment isa ka makalilipay nga pribilehiyo. Palig-una ang tanan sa kongregasyon nga ipakita ang kinabubut-on nga espiritu sa pagboluntaryo.—Sal. 110:3, ftn.; Isa. 6:8.
20 min: “1999-2000 ‘Matagnaon nga Pulong Sang Dios’ nga Distrito nga mga Kombension.” Pamangkot-kag-sabat nga paghinun-anon sang parapo 15-20. Gamita ang ginbalikwat kag ginsambit nga mga kasulatan agod ipadaku kon ngaa ang pamayo, pamustura, kag pagginawi mga butang nga dapat naton talupangdon sing maayo.
Ambahanon 223 kag nagatakop nga pangamuyo.
Semana sang Nobiembre 29
10 min: Lokal nga mga pahibalo. Pahanumduma ang mga manugbantala nga ihatag ang mga report sa pag-alagad sa latagon para sa Nobiembre.
15 min: Palig-una ang mga Bag-uhan sa Pagtambong sa mga Miting. Paghinun-anon sa ulot sang isa ka gulang kag sang isa ukon duha ka ministeryal nga alagad, pasad sa Nagahimo sang Kabubut-on sang Dios nga brosyur, pahina 14-15. Repasuha kon ngaa ang mga bag-uhan kinahanglan nga magtambong sa mga miting. Repasuha ang lima ka semanal nga miting, nagapaathag sang mga kapuslanan sang kada isa. Hambali kon paano ginapauswag sang mga miting ang diosnon nga paggawi, ginapabakod ang espirituwalidad, ginaganyat kita sa organisasyon, ginabuligan kita nga magsuod sa iban, kag ginabuligan kita sa paghangop sang katuyuan sang aton ministeryo. Palig-una ang tumalambong nga gamiton ang brosyur sa pagpalig-on sa mga bag-uhan sa pagtambong sa mga miting.
20 min: Ang Ginpili Naton—Ang New World Translation. Pamulongpulong kag mga pasundayag. Sa tunga sang relihioso nga mga organisasyon, ang aton ang pinasahi bangod nagabalhag, nagagamit, kag nagapanagtag kita sing isa ka badbad sang Biblia nga ginhimo sang hinaplas nga mga sumilimba ni Jehova. Indi ini bangod luyag naton makaganansia ukon magpalapnag sing sektaryan nga mga pagtuluuhan. Sa baylo, ginapahulag kita bangod sang handum nga padunggan ang ngalan sang Dios kag buligan ang iban nga makilala sia sing maayo pa. Ang iban nga mga badbad masunson nga mabudlay hangpon, gani repasuha ang maathag nga mga bentaha sang New World Translation. (Tan-awa ang “All Scripture” nga libro, pahina 327-31. Talupangda ang mga komento sa pahina 3, ipakita ang mga halimbawa sang napauswag nga mga badbad sa parapo 6, kag ipadaku ang mga benepisyo nga gintuptupan sa parapo 22-3.) Maghatag sing duha ka malip-ot nga pasundayag nga nagapakita kon paano kita mahimo magsabat kon ang iban nagasiling, “May kaugalingon kamo nga Biblia.”—Tan-awa ang Reasoning nga libro, pahina 279-80.
Ambahanon 205 kag nagatakop nga pangamuyo.