Repaso sa Teokratikong Eskwelahan para sa Ministeryo

Nakatakop-libro nga repaso sa materyal nga gintuptupan sa mga asaynment sa Teokratikong Eskwelahan Para sa Ministeryo para sa semana sang Enero 7 tubtob Abril 22, 2002. Maggamit sing tuhay nga panid sang papel agod sulatan sang mga sabat sa madamong pamangkot nga masabat ninyo sa ginatugot nga tion.

[Pahibalo: Sa tion sang nasulat nga repaso, Biblia lamang ang mahimo gamiton sa pagsabat sa bisan anong pamangkot. Ang mga reperensya nga nagasunod sa pamangkot para sa imo personal nga panalawsaw. Ang pahina kag numero sang parapo mahimo nga indi makita sa tanan nga reperensya sa Ang Lalantawan.]

Sabta ang tagsa sang masunod nga mga pulong sing Husto ukon Sala:

1. Sa Manugwali 2:​2, ang punto nga ginapatalupangod ni Solomon amo nga ang kinadlaw kag kasadya dapat likawan. [Semanal nga pagbasa sa Biblia; tan-awa ang w87 9/15 p. 24 par. 5.] Sala. Ginapatalupangod lamang ni Solomon nga ang pagpangita sing matuod nga kalipay paagi sa sinadya “kabuangan” bangod wala ini sing pulos; sing kaanggid, ang “kasadya” wala nagalubad sang mga problema sang kabuhi.

2. Sa baylo nga isa ka tulun-an sang negatibo nga mga butang, ang Manugwali puno sing hamili nga mga kamatuoran tuhoy sa kaalam sang Dios kag ginapakita nga ang mga buhat nga nagasikway sa Dios malaglagon. [si-E p. 114 par. 15] Husto.

3. Sa Isaias 1:​7, ginapatuhuyan sang manalagna ang pagkahapay sang Juda sang paggahom ni Ahaz. [Semanal nga pagbasa sa Biblia; tan-awa ang ip-1 p. 17 par. 16.] Sala. Sa sini nga pagpamulong, mahimo gid nga gingamit ni Isaias ang teknik nga masapwan sa iban nga bahin sang Biblia​—⁠ang paglaragway sa palaabuton nga hitabo nga subong bala natabo na ini, sa amo ginapadaku ang pagkapat-od nga matuman ang isa ka tagna.

4. Ang ‘pagtindog sa atubangan sang trono kag sa atubangan sang Kordero,’ suno sa ginsambit sa Bugna 7:​9, nagapakita sang isa ka duog sa langit. [rs-E p. 167 par. 5] Sala. Ang ekspresyon nga “sa atubangan sang trono” literal nga nagakahulugan sing “makita sang trono”; nagapakita ini nga ang “dakung kadam-an” yara sa isa ka kalahamut-an nga kahimtangan; wala ini nagapakita sang isa ka duog sa langit.

5. Ang maalwan nga ‘pagpadungog kay Jehova’ sang aton mga ginapanag-iyahan​—⁠sang aton panahon, kinaadman, kusog, kag materyal nga mga pagkabutang​—⁠nagaresulta sa bugana nga espirituwal nga mga pagpakamaayo gikan kay Jehova. (Hulu. 3:​9, 10) [w00 1/15 p. 25 par. 1] Husto.

6. Ang modernong-adlaw nga ‘makatilingala nga buluhaton kag tumalagsahon nga hilikuton’ nga gintagna sa Isaias 28:21 nagapatuhoy sa pagkalaglag sang mga pungsod sa Armagedon. [Semanal nga pagbasa sa Biblia; tan-awa ang ip-1 p. 295 par. 16; p. 301 par. 28.] Sala. Nagapatuhoy ini sa pagkalaglag sang Cristiandad, nga nagapangangkon nga nagaalagad sa Dios.

7. Subong ginapakita sang Mateo 24:​38, 39, ang pagpatuyang sa pagkaon kag pag-inom, kag sa iban pa nga tawhanon nga mga hilikuton, amo ang kabangdanan sang pag-anod sa katawhan sang adlaw ni Noe paagi sa Anaw. [w00 2/15 p. 6 par. 6] Sala. Wala sing isa sa mga buhat nga ginsambit sa teksto ang malain sa ila kaugalingon; ang mga tawo nagkabuhi nga nasentro lamang sa sining “normal” nga mga butang kag ‘wala magsapak’ sang paandam ni Noe.

8. Pirme ginahatag ni Jehova ang mga pangabay sang iya mapainubuson nga mga alagad nga di-mahamkunon nga nagaalagad sa iya. [w00 3/1 p. 4 par. 3] Sala. Walay sapayan nga ginapamatian ni Jehova nga Dios ang mga pangamuyo sadtong mapainubuson nga nagatinguha sa pag-alagad sa iya, wala niya pirme ginahatag ang ila mga pangabay; bangod may matayog nga pagtamod sa mga butang, pirme sia nagapanghikot para sa aton labing maayo nga mga intereses, nahisuno sa iya ginpahayag nga katuyuan.

9. Ang “mga pungsod” nga ginpatuhuyan sa Isaias 60:3 amo ang indibiduwal nga politikanhon nga mga pungsod nga naganyat sa kapawa nga ginhatag sang Dios. [Semanal nga pagbasa sa Biblia; tan-awa ang w00 1/1 p. 12 par. 4.] Sala. Nagapatuhoy sila sa “dakung kadam-an” sang katawhan gikan sa tanan nga pungsod nga may dutan-on nga paglaum kag nagkari kay Jehova agod magpatudlo. (Bug. 7:9)

10. “Ginpakabalaan” ni Jehova si Jeremias antes sia mabun-ag amo nga gintalana na Niya ang dayon nga madangatan ni Jeremias. (Jer. 1:5) [Semanal nga pagbasa sa Biblia; tan-awa ang w88 4/1 p. 10 par. 2.] Sala. “Ginpakabalaan” ni Jehova si Jeremias amo nga ginpat-od Niya nga si Jeremias mapili sa isa ka pinasahi nga hilikuton subong manalagna.

Sabta ang masunod nga mga pamangkot:

11. Sa Manugwali 11:​1, ano ang kahulugan sang ‘paghaboy sa tinapay’? [Semanal nga pagbasa sa Biblia; tan-awa ang w87 9/15 p. 25 par. 11.] Ang tinapay importante gid sa kabuhi; ang paghaboy sini sa “tubig” nagakahulugan sang pagpaambit sang isa ka butang nga bilidhon; apang, ‘makita ini liwat sang isa,’ kay sa wala ginapaabot nga paagi, ang maalwan balusan. (Luc. 6:38) (Bastante na ang ideya)

12. Sa Isaias 6:​8, sin-o ang ginalakip ni Jehova sang nagsiling sia nga “amon”? [Semanal nga pagbasa sa Biblia; tan-awa ang ip-1 p. 93-4 par. 13.] Ang “amon” nagapatuhoy kay Jehova kag sa iya bugtong nga Anak, nga sang ulihi nangin ang tawo nga si Jesucristo; nagapakita ini nga ang bugtong nga Anak ginlaragway sa palanan-awon nga yara sa tupad ni Jehova sa langitnon nga korte. (Juan 1:14; 12:41)

13. Bilang katumanan sang Isaias 9:​2, paano nagsilak ang “daku nga kapawa” sa Galilea? [Semanal nga pagbasa sa Biblia; tan-awa ang ip-1 p. 126 par. 17.] Ang hilikuton ni Jesus samtang sa duta sia kag ang mga pagpakamaayo nga resulta sang iya halad nagakaigo gid nga ginlaragway subong “daku nga kapawa”; sang nag-abot ang Mesias, ang mga mata sang madamo nga mapainubuson nga mga tawo ginbuksan sa dalayawon nga paagi. (Juan 1:​9, 12) (Bastante na ang ideya)

14. Ano ang modernong-adlaw nga pagkaanggid sang pagkapukan sang Babilonia sang 539 B.⁠C.⁠E. kag sang bug-os nga pagkahapay sini sang ulihi? (Isa. 13:​19, 20; 14:​22, 23) [Semanal nga pagbasa sa Biblia; tan-awa ang ip-1 p. 188 par. 30-1.] Sang 1919, ang Babilonia nga Daku napukan, kay wala na sia sing gahom sa katawhan sang Dios; sa dili madugay ang bug-os kalibutan nga emperyo sang butig nga relihion laglagon sing bug-os.

15. Paano ang “matutom kag mainandamon nga ulipon” nagpanghikot subong ang “bantay” nga ginlaragway sa Isaias 21:6? (Mat. 24:45) [Semanal nga pagbasa sa Biblia; tan-awa ang ip-1 p. 221-2 par. 11.] Ang “matutom kag mainandamon nga ulipon” padayon nga nagabantay, nagasugid kon ano ang nakita niya nahanungod sa pagkalapit sang adlaw sang paghukom sang Dios.

16. Anong maalamon nga laygay para sa isa ka pamatan-on nga nagapangita sing palangasaw-on ang makita sa Hulubaton 31:10? [w00 2/1 p. 31 par. 1] Sanglit ang pagpangita sing “sangkol nga asawa” nagakinahanglan sing panikasog, kaangay sang pagpangita sing malahalon nga korales, ang isa ka pamatan-on dapat maghinguyang sing tion kag mangin mapilion agod mapabaloran niya sing daku ang iya makita nga hamili.

17. Sa Isaias 43:​9, ano ang hangkat sa mga dios sang mga pungsod? [Semanal nga pagbasa sa Biblia; tan-awa ang w88 2/1 p. 16 par. 3.] Ginahangkat ni Jehova ang mga dios sang mga pungsod nga pamatud-an nila nga mga dios sila paagi sa pagtagna sing husto kag paagi sa pagpatubas sing mga saksi nga makahatag sing ebidensia nga masaligan kag takus sila nga simbahon.

18. Sa anong paagi ang mga tiil sang mga nagabantala sing maayong balita sang Ginharian sang Dios ‘matahom’? (Isa. 52:7) [Semanal nga pagbasa sa Biblia; tan-awa ang w97 4/15 p. 27 par. 6.] Sanglit ang tiil amo ang nagadala sa isa samtang nagalakat sia sa pagbantala sa iban, ini nga mga tiil nagarepresentar gid sa tawo nga ang iya mensahe sang maayong balita nagahimo sa iya nga matahom sa mga nagapamati sa iya.

19. Ano ang kinahanglan agod indi kita malimbungan sang aton tagipusuon? (Jer. 17:9) [w00 3/1 p. 30 par. 4] Dapat kita mangin bunayag sa aton kaugalingon, nga wala nagapakamatarong sang aton kaugalingon kon makahimo kita sing sala; subong man, dapat handa kita nga batunon ang pagputli kag pagtilaw ni Jehova, bisan pa mahimo ini magkahulugan sang pagbaton sa di-putli nga mga kinaiya nga dapat naton landason. (Sal. 26:2)

20. Ano ang dapat himuon sang mga ‘nagalakat sa dalanon ni Jehova’? (Jer. 7:23) [Semanal nga pagbasa sa Biblia; tan-awa ang w99 8/15 p. 29 par. 6.] Dapat determinado sila sa paghatag sing eksklusibo nga debosyon kay Jehova, nga nagatuo sing bug-os sa iya mga saad kag di-mationg nga nagatuman sang iya mga kasuguan kag mataas nga mga talaksan. (Sal. 11:7)

Ihatag ang (mga) tinaga ukon prase nga kinahanglanon sa pagkumpleto sa tagsa ka masunod nga pinamulong:

21. “Ang tagipusuon sang maalamon yara sa iya tuo nga kamot” sa kahulugan nga ang “tuo nga kamot” masami nga nagapatuhoy sa isa ka ․․․․․․․․; sa amo ini nagapakita nga ang iya ․․․․․․․․ nagapahulag sa iya nga maglakat sa maayo kag kalahamut-an nga dalanon. (Manugw. 10:⁠2; Mat. 25:33) [Semanal nga pagbasa sa Biblia; tan-awa ang w87 9/15 p. 25 par. 8.]

22. Lakip sa mapuslanon nga mga leksion nga ginatudlo sa Ambahanon ni Solomon amo ang ․․․․․․․․, ․․․․․․․․, kag ․․․․․․․․ sa diosnon nga mga prinsipio. [si-E p. 117 par. 16]

23. Ang manuglaglag sang mga siudad sang Juda, nga ginlaragway sa Isaias 33:​1, amo ang ․․․․․․․․, nga malutos mismo sang 632 B.⁠C.⁠E., ginabilin ang daku nga inatihan para sa mga pumuluyo sang ․․․․․․․․, nga ‘magatipon sini subong sang mga tanga.’ (Isa. 33:4) [Semanal nga pagbasa sa Biblia; tan-awa ang ip-1 p. 343 par. 4; p. 345 par. 6.]

24. Ang pagpaanggid sang Isaias 54:1 sa Galacia 4:​26, 27 nagapakita nga ang “babayi nga baw-as” nagalaragway sa “․․․․․․․․”; kag ang “babayi nga may bana nga tag-iya,” sa ․․․․․․․․. [Semanal nga pagbasa sa Biblia; tan-awa ang w95 8/1 p. 11 par. 8.]

25. Kon makasumalang kita sing pagyaoyao kag pagpamalibad sa aton publiko nga ministeryo, dapat naton tandaan nga ini nga pagpamatok ginapatuhoy gid, indi batok sa ․․․․․․․․, kundi batok kay ․․․․․․․․, ang Ginhalinan sang aton mensahe. (2 Cor. 4:​1, 7) [w00 1/15 p. 21 par. 2]

Pilia ang husto nga sabat sa tagsa sang masunod nga mga pinamulong:

26. Sang nagsulat tuhoy sa iya palanan-awon tuhoy sa langitnon nga himaya ni Jesus, ginpatuhuyan ni Pablo ang iya kaugalingon subong ang isa nga “natawo sa indi pa ang tion,” nga nagakahulugan nga (bag-o lang sia ginpanganak sa espiritu; nabaton niya ang una nga pagtangdo sa iya subong apostol sa mga pungsod; daw ginhatagan sia sing kadungganan nga matawo, ukon mabanhaw, sa espiritu nga kabuhi sing wala pa sa tion). (1 Cor. 9:⁠1; 15:8) [w00 1/15 p. 29 par. 6]

27. Ang titulo nga “Dayon nga Amay” nagapatuhoy sa gahom kag awtoridad sang Mesianiko nga Hari sa paghatag sa mga tawo sing (espirituwal nga kabaskog; di-mamalatyon nga kabuhi sa langit; paglaum nga dayon nga kabuhi sa duta). (Isa. 9:⁠6; Juan 11:​25, 26) [Semanal nga pagbasa sa Biblia; tan-awa ang ip-1 p. 131 par. 26.)

28. Sa moderno nga katumanan sang Isaias 66:​7, ang “bata nga lalaki” nga ginpanganak nagarepresentar (kay Jesucristo; sa Mesianikong Ginharian; sa bag-ong espirituwal nga pungsod sang 1919). [Semanal nga pagbasa sa Biblia; tan-awa ang w95 1/1 p. 11 par. 3.]

29. Ang mahalungon nga pagbasa sa Mateo 10:28 nagabulig sa aton nga mahangpan nga ang kalayuhon nga Gehenna (isa ka duog sang may hinalung-ong nga pag-antos; nagarepresentar sa dayon nga kalaglagan; nagakahulugan sang pagkanahamulag sa Dios). [rs-E p. 173 par. 3]

30. Sa modernong-adlaw nga katumanan, “ang pungsod nga ang katawhan sini wala magpamati sa tingog ni Jehova,” nga ginsambit sa Jeremias 7:​28, nagapatuhoy sa (Babilonia nga Daku; Cristiandad; ikapito nga kagamhanan sa kalibutan). [Semanal nga pagbasa sa Biblia; tan-awa ang w88 4/1 p. 18 par. 10]

Ibagay ang masunod nga mga kasulatan sa mga pinamulong nga nalista sa ubos:

Hulu. 24:16; Manugw. 3:11; Isa. 40:⁠8; Roma 10:15; 1 Ped. 4:6

31. Sa gintalana nga tion, ang nagakaigo nga duog nga sa diin ang tagsa ka buhat sang Dios nagahisanto sa iya katuyuan ipahayag. [Manugw. 3:11] [Semanal nga pagbasa sa Biblia; tan-awa ang w87 9/15 p. 24 par. 8.]

32. Ang pagbantala sing maayong balita sa mga tawo nga patay sa espirituwal nagahatag sing kahigayunan para sa ila nga maghinulsol. [1 Ped. 4:6] [rs-E p. 163 par. 5]

33. Bisan pa ang mga kapaslawan sa kabuhi indi malikawan, ang diosnon nga indibiduwal wala nagauntat sa pagpanikasog nga himuon kon ano ang maayo. [Hulu. 24:16] [w00 2/1 p. 5 par. 1]

34. Ang pulong sang Dios, ukon napamulong nga katuyuan, indi mahimo mapanas ukon mapunggan nga matuman. [Isa. 40:8] [Semanal nga pagbasa sa Biblia; tan-awa ang ip-1 p. 401-2 par. 10.]

35. Ginhimuslan sang mga apostoles ni Jesus ang tagna ni Isaias, gin-aplikar ini sa ministeryo. [Roma 10:15] [si-E p. 123 par. 37]