Mga Pahibalo

◼ Tanyag nga literatura sa Mayo: Tig-isa ka kopya sang Ang Lalantawan kag Magmata! Kon nagaduaw liwat sa interesado nga mga tawo, ilakip ang mga nagtambong sa Memoryal ukon iban pa nga mga teokratikong okasyon nga indi pa aktibo nga nagapakig-upod sa kongregasyon. Magkonsentrar sa pagpahamtang sang Simbaha ang Dios nga libro kag tinguhai nga magsugod sing isa ka pagtuon sa Biblia sa puluy-an, ilabi na sa mga indibiduwal nga nakatuon na sang Ihibalo nga libro kag sang Ginapatuman nga brosyur. Hunyo: Ang bag-ong libro nga Magtuon Gikan sa Daku nga Manunudlo. Kon magsiling ang tagbalay nga wala sila sing bata, itanyag ang Ginapatuman nga brosyur. Hulyo kag Agosto: Ang bisan ano nga brosyur puede itanyag.

◼ Ang nagadumala nga manugtatap ukon ang iya gintangduan dapat mag-awdit sang kuenta sang kongregasyon sa Hunyo 1 ukon sa gilayon pagkatapos sini kon posible. Kon matapos na, ipahibalo ini sa kongregasyon pagkatapos mabasa ang masunod nga report sa kuenta.

◼ Pila na lang ka bulan ipadala na sa inyo ang mga pormas nga kinahanglanon ninyo sa kongregasyon para sa masunod nga tuig sang pag-alagad. Kon may iban pa nga pormas nga inyo kinahanglanon, sarang ini mapangabay sa kinaandan nga paagi, nga nagagamit sang Literature Request form (S-14). Ang mga pormas ginapadala nga wala sing bayad, apang pat-od nga ang mga kongregasyon luyag magpadala sing mga amot para sa bug-os kalibutan nga hilikuton agod magbulig sa kagastuhanan sang pag-imprinta kag pagpadala. Talupangda palihug nga ang mga lapel card para sa 2004 nga mga Distrito nga Kombension ilakip sa mga pormas, busa indi na kinahanglan nga mag-order sini magluwas kon kulang ang ginpadala. Apang, kinahanglan nga mag-order kamo sang plastik nga putos sang lapel card sa kinaandan nga Literature Request form.

◼ Madamo kita sing suplay sang Kingdom Melodies No. 9 sa audiocassette sa sanga talatapan. Ang mga manugbantala nga maluyag makatigayon sini sarang makapangabay sa literature servant agod mapadala sa sanga talatapan upod sa masunod nga Literature Request.