Pagtanyag sing Magtuon Gikan sa Daku nga Manunudlo

◼ “Sa banta mo mangin mas maayo bala nga duog ang duta kon magkabuhi ang mga tawo suno sa sining pinamulong? [Basaha ang Mateo 7:12a. Nian tuguti sia nga makasabat.] Ini nga libro nagaunod sang madamo nga mga leksion gikan sa labing daku nga manunudlo nga nagkabuhi.” Ipadaku ang mga retrato kag mga kapsion sa kapitulo 17.

◼ “Kalabanan sang mga ginikanan karon nagatinguha nga mapatudok sa ila kabataan ang maayong mga pamatasan. Sa banta mo importante bala ini? [Tuguti sia nga magsabat. Nian basaha ang Hulubaton 22:6.] Talupangda nga ginapalig-on ang mga ginikanan nga sugdan sa paghanas ang ila mga kabataan samtang bata pa. Ini nga libro gindesinyo sa pagbulig sa ila nga himuon ini.” Ipadaku ang mga retrato kag mga kapsion sa kapitulo 15, 18, ukon 32.

◼ “Masami nga nagakatingala ang mga ginikanan sa mga pamangkot sang ila kabataan. Ang pila sadtong mga pamangkot mabudlay sabton, indi bala? [Tuguti sia nga makasabat. Nian basaha ang 2 Timoteo 3:​14, 15.] Gintudluan si Timoteo sang iya iloy kag lola sugod sa pagkalapsag tuhoy sa kon ano ang ginasiling sang Kasulatan. Ini nga libro makabulig sa mga ginikanan nga mahimo man ini karon sa ila kabataan.” Ipadaku ang pila ka retrato kag mga kapsion sa kapitulo 11 kag 12 ukon 34 tubtob 36.