Mga Pahibalo

◼ Tanyag nga literatura sa Nobiembre: Ang libro nga Magtuon Gikan sa Daku nga Manunudlo. Kon isiling sang mga indibiduwal nga wala sila sing kabataan, itanyag ang Ginapatuman nga brosyur. Disiembre: Sarang matanyag ang bisan diin sini nga libro: Ang Pinakabantog nga Tawo nga Nagkabuhi, The Bible​​—⁠⁠God’s Word or Man’s?, Ang Akon Libro Sang mga Sugilanon sa Biblia, ukon ang Mahimu Ka Mabuhi Sing Dayon sa Paraiso sa Duta. Enero: Ang bisan anong daan nga 192-pahina nga libro mahimo itanyag. Dugang pa, may nabilin pa nga suplay sang masunod nga daan nga mga libro sa Bethel kag ginapalig-on namon yadtong sarang makagamit sini nga mag-order para sa sini nga kampanya: Ang Kamatuoran nga Nagadul-ong sa Kabuhi nga Dayon kag Matuod nga Paghidaet kag Kalig-on​​—⁠⁠Gikan sa Ano nga Tuburan? sa Bicol; Mahimu Ka Mabuhi Sing Dayon sa Paraiso sa Duta, magamay nga edisyon sa Bicol, Pangasinan, kag Samar-Leyte kag dalagku nga edisyon sa Cebuano kag Iloko; Happiness​​—⁠⁠How to Find It sa Iloko; Maayong Balita sa Pagpahalipay sa Imo kag Pagpamati sa Daku nga Manunudlu sa Samar-Leyte. Pebrero: Itanyag ang libro nga Mangin Suod kay Jehova.

◼ Ang nagadumala nga manugtatap ukon ang isa nga iya gintangduan dapat mag-awdit sang kuenta sang kongregasyon sa Disiembre 1 ukon pagkatapos dayon kon posible. Ipahibalo ini sa kongregasyon kon matapos.

◼ Ang isa ka kompleto nga programa sa distrito nga kombension para sa mga bungol hiwaton sa Kingdom Hall sang Bethel sa Quezon City sa Nobiembre 19-21, 2004. Sarang makatambong ang bisan sin-o nga bungol nga makahangop sang sign language kag luyag nga makabenepisyo sa programa, kay wala sing kompleto nga programa para sa mga bungol sa iban nga mga kombension.

◼ Mga Amot Para sa mga Distrito nga Kombension: Ang tanan nga kagastuhanan sa mga kombension, lakip ang mga arkila sang istadyum, paghanda sang plataporma kag sang public address system, subong man ang bili sang bag-o ginpagua nga mga publikasyon ginasakdag sang boluntaryo nga mga amot sa bug-os kalibutan nga hilikuton. Pat-od namon nga ginadumdom ninyo ini kon magtambong kamo. Ang mga amot sarang mahatag paagi sa mga kahon alamutan nga yara sa tagsa ka kombension.

◼ Mga Tour sa Bethel: Yadtong nagaplano nga mag-tour sa Bethel paagi sa bus ukon sa mga grupo nga 20 ka tawo ukon kapin pa dapat magsulat sa sanga talatapan sing abanse, sa “Bethel Tours Department,” kag ihatag ang petsa kon san-o ang inyo plano nga magkadto. Bangod limitado lamang ang palarkingan sa Bethel, kinahanglanon nga ipasibu ang petsa sang inyo pag-tour agod indi tuman kadamo ang mga bus sa isa ka adlaw. Yadtong sa malayo nga mga probinsia dapat magplano nga makaabot sa Bethel lampas sa alas 8:00 sa aga. Kon temprano ang pag-abot ninyo malapit sa Manila, ginapanugda namon nga magpahuwayhuway kamo sa mga gasolinahan sa expressway tubtob sa sina nga tion. May kahigayunan kamo nga maggamit sing mga banyo kag ayhan mag-ilis antes magkadto sa Bethel. Antes sang inyo pagduaw, palihug repasuha ang “Pamangkot” sa Hunyo 2002 nga Ang Aton Ministeryo sa Ginharian tuhoy sa nagakaigo nga pamayo kag pamustura kon nagaduaw sa mga puluy-an Bethel.

◼ Bag-o nga mga Publikasyon nga Matigayon:

Watch Tower Publications Index 2003​​—⁠⁠Ingles

Dalagku sing letra nga edisyon, New World Translation of the Holy Scriptures​​—⁠⁠Cebuano, Iloko, Tagalog

(Patalupangod: Ini nga Biblia may simbulo nga bi8 kag pareho man sing marhinal nga mga reperensia sa bi12. Bangod dalagku ang letra sini, makabulig ini sa pagtuon sing personal, mahapos basahon sang medyo madulom ang panan-awan, kag maayo nga ilakip ini sa librarya sang Kingdom Hall.)